A. D. Patel: ke revisions ke biich ke antar

Content deleted Content added
Bigo86 (Baat | yogdaan)
Pahila saadi
Chamcha (Baat | yogdaan)
Pahila election
Rekha 9:
== Pahila saadi ==
A.D. Patel ke pitaji uske India laut ke wakiili kare mangat rahaa aur aapan chhota bhaiya aur bahini logan ke parrhai me madat kare sakat rahaa lekin aakhri me uu aapan larrka ke Fiji jaae ke bhaarra bharis. Patel, [[11 October]] [[1928]] ke Fiji pahuncha. Ek aur kaaran kahe ki uu India laute nai mangat rahaa, ii rahaa ki uske aur ek English divorcee, Patricia Catherall Seymour, ke biich me kuch chalat rahaa. Ii baat India ke Patel palwaar ke achchha nai lagta, ii kaaranse bhi ki Patel ke chhota me ek larrki ke saadi kar dewa gais rahaa. Patricia Seymour, 1933 me , aapan larrki ke lae ke [[Suva]] pahuchis aur uu logan ke saadi [[25 January]] [[1934]] ke bhai. Ii saadi achchha nai chalaa kahe ki Patricia ke loacal goraa logan bagal kar diin rahaa aur uu local Hindustani log se bhasa nai jaane ke kaaran baat nai kare sakat rahi. 1939 me duuno jane separate hoe gais aur 1944 me divorce ke baat, Patricia, New Zealand rahe khatir chal diis.
 
== Pahila election ==
Fiji me Hindustani log ke [[1929]] me pahila dafe Legislative Council khatir vote kare ke adhikar mila lekin Patel ii election me nai kharraa hoe sakis kahe ki uu Fiji me dui saal se kamti din tak rahaa. [[1932]] ke election uu [[Vishnu Deo]] ke saathe boycott karis. 1937 ke election me uu North Western Indian Division mr kharraa bhais. Uske ke virod me, ek wakiil ke clerk, Chattur Singh kharraa bhais. Election me Singh ke 671 vote mila aur Patel ke 651. Patel ke haar se bahut log surprise hoe gain kahe ki uske Fiji ke Hindustani leader, khaas kar ke Vishnu Deo, ke support rahaa. Use haar ke kaaran rahaa ki Singh Ba me acchhaa se jaana jaat rahaa, uu Indian Association ke Ba branch ke President rahaa, aur uske bhaiya, Parmanand Singh uu tiin Hindustani me se ek rahaa, jon ke 1929 me Legislative Council me chuna gais rahaa. Patel Fiji ke Muslim log ke gussae diis rahaa kahe ki uu Muslim log khatir alag member ke jor se virod karis rahaa aur uu ek Gujarati rahaa aur Hindustani kisan log ke Gujarati log paisa karjaa de ke khatir jaada interest charge karat rahin. Patel ke haar ke sab se important kaaran rahaa ki Singh ii election ke Fiji-born (Singh) aur India–born (Patel) ke biich waala election banae diis aur Patel aapan naam aur kharaab kar diis jab ki uu ii bolis kii Singh ganna ke khet me paida bhais rahaa.
 
[[en: A. D. Patel]]