Badri Maharaj: ke revisions ke biich ke antar

'''Badri Maharaj''' Fiji ke ek Hindustani kisan aur duusre ke madat kare waala admi rahaa. Maharaj Fiji ke Legislative Council ke pahila Hindustani member rahaa, [[1916|1916]] se [[1923|1923]] tak aur [[1926|1926]] se [[1929|1929]] tak. Uske Governor nominate karis rahaa lekin jaada Hindustani log Manilal Doctor ke aapan member mangat rahin. Kamti suport rahe ke bawajuut uu aapan principles par atal rahaa aur poll tax ke birod karis rahaa. Uu mangat rahaa ke Kaiviti log ke rakam bhi ek Indian Administration suruu karaa jae jon ke panchayat par based rahe. Uu child marriage oppose karis aur education promotr karis.

 

 

Maharaj [[1868|1868]] me Bamoli village, Badrinath, Uttarakhand, India me paida bhae rahaa. Uu Fiji [[1889|1889]] me girmit me aais rahaa aur aapam mahinat se ek successful kisan ban gae. Uu sab se pahila Fiji ke Hindustani rahaa jon ki Hindustani larrkan loagkan khatir sikchha ke khatir kush kae ke sochis aur [[1898|1898]] me Fiji ke pahila Hindustani loagn khatir ek school, Wairuku Inidna School banais. Ii school me Ratu Sukuna bhi parris rahaa.

[[1918|1918]] me Badri Maharaj prastao rakhis ki Fiji me Hindustani loagan khatir panchayat system suruu karaa jae. Uu Agent-General of Immigration ke lage ek chitthi me likis ki panchayat se Hindustani logan khatir justice easy hoe jai aur dispute jalsi se settle hoae jai. Agar jo koi side panchayat nai mangis tab case ke court ke lage lae jawa jae. panchayat me me dunoo Hindu aur Muslim ke hoe ke chaahi jisse ke dunoo group me problem nai hoe. Badri Maharaj panchayat ke child marriage ke band kare ek upae sochis. Uu sarkar ke batais ki uu panchayat choose kare ke taeyar hai aur bolis ki isse Hindustani custom preserve hoi aur Hindustani loagn khus rahi. Agent-General of Immigration jawab dis ki ii achchhaa idea hai aur India aur duusra colony se pataa lagae ke batais ki aur koi jagah ii sysytem nai hai aur iske Fiji me suruu karna abhut risky hai aur uu timr uske introduction khatis thik nai rahaa.

 

[[1919|1919]] me Legislative Council Marriage law ke badle ke bahas suruu karis jisse ki Hindustani logan me dharmic shaadi recognise kar lewa jaae. Badri Maharaj ek amendment introduce karis jisme uu legal marriage age ke uupar kare ke support karis lekin larrka logan khatir legal age 16 aur larrki logan khatir 13 rkhae ke pratao rakhis. Uu Legislative Council ke Hindu vulture ke baare me samjhais lekin Council uske baat nai sunis.

 

 

July [[1923|1923]] me Government ek legislation introduce karis jisme sab non-Fijian adult males between 18 and 60 ke ek pound ke poll tax bare ke parri. Maharaj protest me aapan seat se resign kar dis.

[[1926|1926]] me Young Men’s Indian Association sarkar se ek Indian member ke nominae kare ke maang karis aur sarkar fir se Maharaj ke nominate kar dis.

 

 

Maharaj ke government "achchha character waala admi" maanat rahaa lekin uske lage Hindustani log me bahut kamti support rahaa. Jab 1920 me Vashist Muni Fiji aais rahaa, aur Fiji ke western division me meeting karat rahaa, tab Maharaj uske baare me Governmnet ke lage report bhejat rahaa.

Badri Maharaj, 1920 me Central Division waala strike ke birood karis. Uu workers logan ke batis ki uu loag kaam par laut jae aur Manilal ke views ke oppose karis. Nausori ke ek meeting me Maharaj workers log ke warn karis ki strike kharab hai au agitators log ke baat nahi sunoo.

 

 

Badri Maharaj Fiji me Arya Samaj ke ek founding member rahaa. Uu dharam aur sikchha khatir bahut paisa dis. [[28 August|28 August]] [[1956|1956]] me Arya Samaj ke Golden Jubilee celebrations me uske posthumously Dayanand Medal for Meritorious Service dewa gae.