'''Totaram Sanadhya''' (1876 - 1947) ek [[girmitya]] rahaa, jon ki [[Fiji]] ke Hindustani ke adhikar khatir maang kare waala pahila admii rahaa. Uske dhoka se bharti kar ke girmit me [[India]] se Fiji lawa gais rahaa. Uu 1893 me Fiji pahuchis aur paanch saal ke girmit kaatis lekin aapan adhikaar ke khaatir larrai karte rahis. [[Girmit]] khalaas kare ke baad, Sanadhya aapan kheti suruu karis aur sanghe sanghe pandit ke kaam bhi karis. Uu duusra Hindustani log ke madat hardam karat rahaa aur India se bhi madat lelai ke kosis karis. Uske khaas haanth, Fiji me pahila Hindustani wakiil ([[Manilal Doctor]]) ke laae me rahaa. [[1914]] me uu India laut gais aur aapan experience, aur Fiji ke Hindustani logan ke pratithikondisan ke baare me ek book, [[w:Benarsidas Chaturvedi|Benarsidas Chaturvedi]] ke saathe, ''Mere Fiji Dwip me Ikkis Varsh'', likhis. Ii book ke parr ke India me Fiji ke prastithikondisan ke baare sab logkoyin ke jaankari milajaanwais. Abhi talak, itihaas ke likhe waala logwaalan ii book se girmit ke time ke jindagi ke baare me jankaripata lagate lerahe hae. Uu, aapan jindagi ke aakhri din [[Mahatma Gandhi]] ke saathe, Sabramati Ashram me, bitais.
== Jawaani ke din ==
Sanadhya ke janam India ke [[Uttar Pradesh]] ke Firozabad jila ke Hirangau gaon me [[1876]] me, ek Brahman palwaar me, bhaesbhais rahaa. 1887 me uske pitajibappa mar gais aur palwaar ke sab paisa aur jamin mahajan log harrap liis. Uske palwaar bahut bhaari takliif me rahisrahin, aur Totaram aapan palwaar ke uppar bojhaa kamti kare ke khatir, 1893 me, ghar chhorr ke kaam khoje chal diis.
== Girmit ke din ==
Ek roj ukeuske, bajaarbajaarwa me, ek arkathi mila aur achha talab ke bahaana me girmit sign karawae lis. Uske bataawa gais rahaa ki jab Magistrate kuch puchhi tab khali haan bolna aur ii nahi bataana ki uu Brahaman hae. Uske fir [[Kolkata|Calcutta]] laawa gais, jahaan pe uu aapan dimaag badal liis lekin uske ek rum me band kar dewa gais raha. [[28 May]] [[1893]] me, Sanadhya 500 aur girmitya log ke saathe [[Jumna II|Jumna Jahaaj]] me Fiji pahichispahuchis. [[Nukulau]] ke quarantine station me, uu fir se protest karis lekin uske ek boat me biig ke [[Colonial Sugar Refining Company]] (CSR) ke [[Nausori]] estate me laawa gais.
Sanadhya khatir girmit bahut karra rahaa aur pet bhar ke khana bhi nahi milat rahaa. Hapta bhar ke raisan uu tiin roj me khalas kar det rahaa aur baaki din bhuke rahe ke parrat rahaa, nahi to duusar firiman se khana maang ke khat rahaa. Jinda rahe ke khatir uske kuch baimani bhi kare ke parat rahaa, jaise ki jhute ke batao ki pet pirrae jisse ki uske karra kaam nahi mile. Ek dafe Sanadhya ek kulambar ke bhi maris rahaa.
