Ayodhya Prasad: ke revisions ke biich ke antar

'''Ayodhya Prasad Sharma''' (30 April 1909 - 28 February 1972), Fiji ke ek school teacher, trade unionist aur politician rahaa. Uu Fiji me ganna ke kisan ke pahila union, [[Kisan Sangh]], ke [[1937]] me suruu karis rahaa, jon ki 1940 me kisan log ke pahila dafe ganna supply kare ke ek contract dewais rahaa. Kisan Sangh ke dher samarthan ke kaaran Prasad Legislative Council ke election me Sangh ke taraf se candidate ke kharaa karis aur baad me apne bhi dui term talak Legislative Council ke member rahaa. 1941 me A. D. Patel, ke ek duusra union suruu kare ke kaaran Prasad aur Patel me ganna ke contract khatirke wastin aur Legiskative Council ke election khatirke wastin dusmani hoe gais. Uske Alliance Party ke suruu kare me bhi barkana haanth rahaa aur uu ek party, National Congress of Fiji, ke suruu karis jisse ki Hindustani log Alliance Party me duusra jaati ke sathe barabar rahe lekin ii nai hoe paais jab [[Vijay R. Singh]], [[Indian Alliance]] suruu kar ke Alliance Party me Hindustani ke leader banaa.