'''Fiji Labour Party (FLP)''' Fiji ke ek political party hae. Ii party, ek multiracial party haihae lekin iske jaada support Hindustani log se mile hae. Iske pahila leader, ek Kaiviti, Timoci Bavadra rahaa. Iske President abhi Jokapeci Koroi, aur leader, [[Mahendra Chaudhry]] hae. FLP ke suruwaat [[6 July]] [[1985]] me Fijian Teachers Association Hall, [[Suva]] me, Fiji Trade Union Congress ke auspacies ke niche karaa gais rahaa. [[1987 ke election (Fiji)|1987 ke election]] me FLP, [[National Federation Party (Fiji)|National Federation Party (NFP)]] ke saathe coalition banae ke election jiitis aur Timoci Bavadra Prime Minister banaa. Khaali ek mahina talak sarkar chalae ke baad, Sitiveni Rabuka coup kar ke sarkar ke haatae diis. 1992 ke baad FLP aur NFP alag hoe gain aur 1992 aur 1994 ke election me FLP ke NFP se kamtii Hindustani vote milaa. 1999 me, nawaa contitution ke niche, FLP elction jiitits aur [[Mahendra Chaudhry]], Prime Minister banaa. Ii sarkar ek saal talak chalaa aur fir se ek coup ke baad hatae dewa gais. Dui aur election me FLP, Hindustani log ke biich me aapan support jaada karis, lekin 2006 ke coup ke baad se FLP ke political direction clear nai hae.
== 1987 ke general elections ==
1987 ke general election me Alliance Party, jon ki Fiji me 17 saal tak raj karis rahaa ke harae ke aur 52 me se 27 seat jiit ke Fiji Labour Party - National Federation Party coalition, sarkar banais.
