'''Albert Einstein''' ([[14 March]] [[1879]] - [[18 April]] [[1955]]) ek famous scientist rahaa jiske [[1921]] me Physics ke khatir [[Nobel Prize]] mila rahaa.
Einstein, [[light]], [[matter]], [[gravity]], [[Space (physics)|space]], aur [[time]] ke theory khatir famous hae. Uske theory me rahaa theory of [[special relativity]] aur theory of [[general relativity]]. Uske sab se jaada famous [[equation]] rahaa <math>E=mc^2</math>. Iske matlab hae ki [[energy]] aur [[mass]] dui ruup ke ekke chij hae.
== Uske life ==
Einstein ke janam Ulm, Württemberg, [[Germany]] me 14 March 1879 me bhais rahaa. Uske palwaar [[Jewish]] rahin lekin bahut dharmic nai rahin. Albert jab tiin saal ke rahaa tab baat kare ke suruu karis rahaa. Jab Albert lagbhag chaar saal ke rahaa tab uske pitaji uske ek [[magnetism|magnetic]][[compass]] diis rahaa. Uu ii jaane mangat rahaa ki uu kon invisible chij hai jon ki compass ke needle ke ghumae hae aur uske interest science aur Maths me aur jaad ahoe gais.
Jab uu aur barra bhais tab uu [Switzerland]] meek school me gais. Graduate hoe ke baad uu ek patent office me kaaam kare lagaa. Ii kaaram kare ke time uu papers likhis jisse uu ek famous scientist banaa.
[[World War I]] se kuchh din pahile uu Germany laut gais aur ek school ke director ban gais. Uu, ja talak [[Nazi]][[government]] power me nai aais, [[Berlin]] me rahat rahaa. Nazi logan Einstein ke "Jewish physics," khatir acuse karis aur German physicists uske theory ke disprove kare ke kisis karis Einstein [[United States]] chal diis aur Princeton, New Jersey me rahat rahaa aur [[1940]] me United States [[citizen]] ban gais.
[[World War II]] ke time , Einstein aur[[ Leó Szilárd]] U.S. president [[Franklin D. Roosevelt]] ke lage likh ke ii maang karis ki US , Germany se pahile nucklear bomb banae.
