|
|box_width = 225px
}}
'''[[Parmanand Singh]]''' (janam: [[1905]]), [[Fiji]] ke ek politician aur businessman rahaa. Uu [[Fiji]] ke pahila Hindustani rahaaa jon ki [[New Zealand]] jaae ke parrhis. Singh, uu tiin Hindustani me se ek rahaa jon ki [[1929]] me pahila dafe [[Legislative Council (Fiji)|Legislative Council]] me Hindustani log se chuna gais rahaa. Uu khaali dui hafta talak Council me rahha, jab ki sarkar ke common roll ke mang ke reject kare ke protest me uu Council ke boycott karr diis. Singh ek zamindar rahaa jon ki Colonial Sugar Refining Company (C.S.R.) se jamiin lease me le ke uske duusra Hindustani log ke lease karat rahaa. Uu dui [[Hindi]] newspaper bhi chaapis jisme se ek, ''Jai Fiji'' [[1956]] se 1980 tak chalaa. Uske bhaiya, [[Chattur Singh]] aur larrka, [[Anand Singh]] bhi politics me rahin.
== Jawani ke din ==
Parmanand Singh ke janam [[Yalalevu]], [[Ba]], Fiji me 1905 me bhais rahaa. Uske mai baap logan girmit me [[India]] se Fiji aae rahin aur uske pitaji ke naam Mahadeo Singh rahaa. Girmit ke baad uu logan aapan kheti suruu karin aur uu log ke achchha zindagi rahaa. Parmanand ke parrhai khatir, uske New Zealand bheja gais rahaa, jahan ke [[Auckland]] Colllege se uu 1923 me graduate bhais. New Zealand me uu rugby (ek game jon ki Fiji ke Hindustani log nai khele haihae) khelis.
Fiji laute ke baad uu C.S.R. se jamin lease kar ke uske chota chota kisan ke sub-lease karis. Fiji me bahut jawan aur educated log ke rakam uu bhi Arya Samaj ke member rahaa.
== Legislative Council ke member ==
[[1929]] me uske [[Vishnu Deo]] ke party, Legislative Council me Hindustani log ke khatir pahila election me
[[North Western Indian Constituency (Fiji) 1929 - 1963|North Western Division]] me kharraa hoe ke select karis. Legislative Council ke tiino Hindustani seat ke common roll mange waale Vishnu Deo aur uske saathi logan jiitin. <ref> [http://au.geocities.com/girmitya/FijiElections/1929/NorthWestDiv.htm Fiji Legislative Council Elections, North Western Division, 1929 - 1959] </ref> Dui hafta baad, jab Hindustani member ke maang ki, Fiji me common roll elections karaa jae, ke sarkar nai kar diis tab tiino member log Council se walk out hoe gain aur iske kaaran aapan seat lose kar diin. Iske baad Singh ke Legislative Council ke member bane ke mauka nai mila, lekin uske bhaiya, Chattur Singh, [[1937]] me uske purana seat jiitis. Council se bahaar bhi uu aapan man ke baat bole se chukis nai aur Punjabi aur Gujarati log ke Fiji aae ke virod karis.
== Newspaper ke publisher ==
Uu printing industry me mauka dekh ke, Ba me ek printing press suruu karis aur huan se ek Hindi newspaper, ''Awaaz'', Chaape ke suru karis. Baarr aur achchha staff nai rahe ke kaaran ii newspaper ke band kare ke parraa. 1956 me uu Lautoka me ek aur Hindi newspaper, ''Jai Fiji'', ke chaape ke suruu karis, jon ki 1980 tak chala. <ref>Sharma, Guru Dayal, ''Memories of Fiji: 1887 - 1987, Guru Dayal Sharma, Suva, Fiji, 1987, pp. 151-152 </ref>
== Politics me parwaar ==
Uske bhaiya, [[Chattur Singh]], bhi Legislative Council ke member 1937 -1940 tak rahaa, jiske election me uu [[A. D. Patel]] ke harais rahaa. Uske larka, Anand Singh, Fiji ke House of Representatives aur Senate ke member rahaa aur 1999 ke Chuadhry Labour Government me Attorney General rahaa. Uske dui aur bhatija, Sashi Mahendra Singh aur Arun Chattur Singh, Ba Town Council ke member aur mayor bhi rahin.
== References ==
<references/>
{{BD|1905|unknown|Singh, Parmanand}}
[[Category:Fiji ke Legislative Council ke member|Singh, Parmanand]]
[[Category:Ba ke log|Singh, Parmanand]]
[[en:Parmanand Singh]]
| 