Ahmed Ali: ke revisions ke biich ke antar

Ali ke baap daada logan girmit me [[India]] se Fiji aawe rahin. Uske janam [[Suva]] me bhais rahaa aur uske parrhai Marist Brothers' Primary aur Secondary School me bhais rahaa. Ali aapan MA khatir University of Auckland aur PhD khatir Australian National University me parrhis.<ref> Ahmed Ali, Girmit: Indian Indenture Experience in Fiji, 2004, Suva, Fiji, Fiji Museum</ref>

Politics me join kare se pahile, Ali ek high school teacher aur University of the South Pacific ke lecturer rahaa. Uu History ke lecturer rahaa aur promotion ke baad Senior Lecturer aur Reader bhi banaa. Uske fir Head of School of Social and Economic Development, Dean of Academic Affairs, acting Deputy Vice-Chancellor aur Director of the Institute of Social and Administrative Studies bhi banawa gais rahaa. Ali Fiji ke Hindustani aur girmit ke baare me dher book likhis haihae.

[[1982]] me Ali, Alliance Party ke taraf se, Ratu Sir Kamisese Mara ke running mate ban ke, Lau/Cakaudrove/Rotuma National seat jitis. Ii constituency me lagbhag sab voter logan Kaiviti haihae, tab koi surprise nai bhae jab uske Minister of Education banae dewa gais aur uu Kaiviti students logan ke scholarship jaada kar diis aur Kaviti school ke jaada paisa diis. Ali ke ek policy jisme Hindustani teacher logan ke Kaiviti school me jabarjasti bheja jaawat rahaa, ke kaaran teacher union strike kar diis. Ali University of the South Pacific ke aakhri saal ke students ke kaam ke guarantee nai karis tab uu logan bhuk harrtaal kar diin. 1986 me Ali ke Minister for Information banae dewa gais.

Ek chhota bemaari ke baad, Ali ke maut Prince of Wales Private Hospital, [[Sydney]], [[Australia]] me [[8 June]] [[2005]] ke hoe gais. Uu aapan piche aapan aurat, Bessie, aur dui larkan, Usman aur Hashim, ke chorr gais haihae.