Totaram Sanadhya: ke revisions ke biich ke antar

Content deleted Content added
Girmitya (Baat | yogdaan)
No edit summary
Thakurji (Baat | yogdaan)
clean up using AWB
Rekha 1:
{{Template:FIJIHINDUSTANILEADER}}
{{Infobox Person
|name = Totaram Sanadhya
Rekha 51:
|box_width = 225px
}}
'''Totaram Sanadhya''' (1876 - 1947) ek girmitya rahaa, jon ki [[Fiji]] ke Hindustani ke adhikar khatir maang kare waala pahila admii rahaa. Uske dhoka se bharti kar ke girmit me [[India]] se Fiji lawa gais rahaa. Uu 1893 me Fiji pahuchis aur paanch saal ke girmit kaatis lekin aapan adhikaar ke khaatir larrai karte rahis. Girmit khalaas kare ke baad, Sanadhya aapan kheti suruu karis aur sanghe sanghe pandit ke kaam bhi karis. Uu duusra Hindustani log ke madat hardam karat rahaa aur India se bhi madat le ke kosis karis. Uske khaas haanth, Fiji me pahila Hindustani wakiil ([[Manilal Doctor]]) ke laae me rahaa. [[1914]] me uu India laut gais aur aapan experience, aur Fiji ke Hindustani logan ke pratithi ke baare me ek book, [[w:Benarsidas Chaturvedi|Benarsidas Chaturvedi]] ke saathe, ''Mere Fiji Dwip me Ikkis Varsh'', likhis. Ii book ke parr ke India me Fiji ke prastithi ke baare sab log ke jaankari mila. Abhi talak, itihaas ke likhe waala log ii book se girmit ke time ke jindagi ke baare me jankari le haihae. Uu, aapan jindagi ke aakhri din [[Mahatma Gandhi]] ke saathe, Sabramati Ashram me, bitais.
 
== Jawaani ke din ==
Rekha 57:
 
== Girmit ke din ==
Ek roj uke, bajaar me, ek arkathi mila aur achha talab ke bahaana me girmit sign karawae lis. Uske bataawa gais rahaa ki jab Magistrate kuch puchhi tab khali haan bolna aur ii nahi bataana ki uu Brahaman haihae. Uske fir [[Kolkata|Calcutta]] laawa gais, jahaan pe uu aapan dimaag badal liis lekin uske ek rum me band kar dewa gais. [[28 May]] [[1893]] me, Sanadhya 500 aur girmitya log ke saathe [[Jumna II|Jumna Jahaaj]] me Fiji pahichis. [[Nukulau]] ke quarantine station me, uu fir se protest karis lekin uske ek boat me biig ke [[Colonial Sugar Refining Company]] (CSR) ke [[Nausori]] estate me laawa gais.
 
Sanadhya khatir girmit bahut karra rahaa aur pet bhar ke khana bhi nahi milat rahaa. Hapta bhar ke raisan uu tiin roj me khalas kar det rahaa aur baaki din bhuke rahe ke parrat rahaa, nahi to duusar firiman se khana mangmaang ke khat rahaa. Jinda rahe ke khatir uske kuch baimani bhi kare ke parat rahaa, jaise ki jhute ke batao ki pet pirrae jisse ki uske karra kaam nahi mile. Ek dafe Sanadhya ek kulambar ke bhi maris rahaa.
 
== Firiman ke jindagi ==
Paanch saal ke girmit ke baad jab Sanadhya firi hoe gais tab uske paas ek penny paisa nahi rahaa lekin uu duusar ke 15 shilling karja rahaa. Uu tab kuch paisa uhaar leke jamin lease karis aur usme ganna bois. Sanadhya carpentary, metalwork aur photography ke saathe Kaiviti bhasa bhi sikhis. Uu mangat rahaa ki uu Fiji me hoe waala atyachar ke photo laike newspaper me chapwae, lekin uske camera ke koi chri kar lis aur uske duusra estate me jaae ke manaai kar dewa gae.
 
Sanadhya jaanat rahaa ki khali kheti se enough paisa nahi bani, tab uu pandit ke kaam bhi kare lagaa. Uu [[Hindi]] parre janat rahaa, aur dharmic book kharid ke apne se dharam ke baare me sikhis. Sanadhya [[1902|1902]] me Fiji me sab se pahila Ram Lila karis. Jab uske paas kuch paisa hoe gais to aapan khet majduur log ke haat me chorr ke girmitya log ke madat kare ke khatir nikal gae. Uske estate ke bhitar jae ke manaai rahaa tab uu estate ke bahaar baith ke bhajan gae, jiske sun ke girmitya log aeke aapan dukh use bataae.
 
== Samaj sewa ==
Rekha 70:
 
== Sanadhya ke book ==
Sanadhya [[27 March|27 March]] [[1914|1914]] ke India ke khatir Fiji se chala gais. Uske jae ke time newspaper me bhi bahut charcha bhais. India pahunch ke uu sab prant me ghunis aur Fiji ke baare me batais.Uu Madras ke Indian National Congress me be bhasan dis. Uuaapan baare me ek book, ''Mere Fiji Desh me Ikkis Varsh'', likhis. Ii book ke parr ke India me Fiji ke prastithi ke baare sab log ke jaankari mila aur girmit band kare ke jorr mila. ''Uu Bhut Len ke khanai'' bhi likhis rahaa, jon ki ek girmitya admii ek baare me jon ki aapan dharam aur Kaiviti ligan ke dosti se girmit se jinda nikla.
 
== Aakri ke din ==
Rekha 81:
* Sanadhya, Totaram; English translation by J.D. Kelly & U.K. Singh (1991). ''My Twenty-One Years in the Fiji Islands''. Suva, Fiji: Fiji Museum. ISBN 982-208-003-4.
 
{{Jeevan|1876|1947|Sanadhya, Totaram}}
 
[[Category:S]]
[[Category:T]]
[[Category:Fiji ke Hindustani leader|Sanadhya, Totaram]]
[[Category:Girmitya log|Sanadhya, Totaram]]
{{Jeevan|1876|1947|Sanadhya, Totaram}}
 
 
[[bh:तोताराम स्नाध्या]]