Vashist Muni: ke revisions ke biich ke antar

{{Template:FIJIHINDUSTANILEADER}}

'''Sadhu Vashist Muni''' ek [[w:Hindu|Hindu]] parcharak rahaa jon ki [[India]] se [[Fiji]], [[May]] [[1920]] me, aais rahaa. Uu Fiji ke Hindustani log ke batais ki uu log ke chaahi ki aapan dharam aur sanskriti pe ghamand kare. Fiji me dher jagahjagha uu school banais aur [[w:Hindi|Hindi]] ke sikchha ke barrhawa diis. Uske Fiji me naam barrha jab [[1921]] me uu Fiji ke Western District me kisan aur majduur ke harrtaal ke leader banis. Uu Fiji me ek saal se bhi kamti time taktalak rahis lekin admii log aur sarkar uske baare be bahut kuch nai jaanat rahin. Bola jae haihae ke uu dher jagha ek dafe pahuch jaat rahaa. [[March]] [[1921]] me sarkar uske deport kar this, ii bol ke ki uu [[w:Mahatma Gandhi|Mahatma Gandhi]] ke jaasus rahaa. Uske deport kare ke baad, [[Suva]] ke Government House, bijli gire ke kaaran, jar gais aur janata log me uske chamatkaar kare ke taagat me biswas aur barrhaa. Fiji e kuchh log uske Visnu ke avatar maanat rahin.

Vashist Muni ke janam Banaras, [[India]] me [[1888]] me bhais rahaa aur uu ek sanatani rahaa jon ki [[Hindi]] aur [[English]] me achchha se baat karat rahaa. [[23 March|23 March]] [[1919]] ke uu [[Calcutta]] chorris aur [[Australia]] se hoe ke Fiji [[14 May]] [[1920]] ke pahuchis. Uske murr chilaan rahaa aur uu light orange ke kaprra pahinat rahaa aur ek pink chhata carry karat rahaa. Jab uu Fiji pahucha tab Fiji ke Hindustani log uske khusi se swagat karin aur kuch logan uske [[Vishnu]] ke autar sochin.

Suruu me uu sikchha ke kaam karis jon jon jagha pe jaada Hindustani log rahat rahin aur [[Lautoka]] me ek school ke roll double kar dis rahaa. Uu [[Navua]] me ek school banais, jahaan par larrka log ke [[Hindi]] sikhawa jaat rahaa kaheki uu mangat rahaa ki Hindustani log aapan heritage par proud rahe. Uu nai mangat raha ki Hindustani log Christian school me parre. Uu duusra school ke book daan karis aur batais ki you dharmic admi haihae. November 1920 me government uske non-political kaam ke baare me jaanis aur mangat rahaa usse baat kare lekin mauka nahi lagaa.

Jab ki uu Hindustani log ke prastithi ke baare me jaanat rahaa uu khule bolis ki uu kanuni mangat rahaa Hindustani log ke madat kare. Uu nahi mangat rahaa ki Hindustani log India laut jae jaise ke kuch aur Hindustani leader log mangat rahin. Fiji ke government ke suspician rahaa ki Vashist Muni Gandhi ke jasuus haihae aur civil servants ke batawa gais ki uske uppar report kare.

Jab ki [[Viti Levu]] ke western district ke majduur log ke [[N. B. Mitter]] organise karis rahaa, lekin jon harrtall [[11 February|11 February]] [[1921|1921]] ke roj [[Ba]] me suruu bhais uu apne se suruu hoe gais. Dhire dhire harrtaal sab western district me fael gais lekin ekdam peaceful rahaa.

20 March 1921 ke jab uu Tavua me ak meeting karat rahaa tab Lautoka balawa gae ii batae ke ki government usse baat kare mange haihae. Uske jahaaj me Suva lae jawa gae aur [[23 March|23 March]] [[1921|1921]] me deport kar dewa gae. Jon roj uske deport karaa gae uu roj Suva ke Government House bijli gire ke kaaran jar gae aur jon jahaaj me uske Suva lae jawa gae uu reef pe charr gae.

1. Sharma, Guru Dayal (1987), ''Memories of Fiji: 1887–1987'', Guru Dayal Sharma, Suva, Fiji, pp.  48–49.

2. Gillion, K. L. (1977), ''The Fiji Indians: Chllenge to European dominance 1920-1946'', Canberra, Australia: Australian National University Press, pp. 53-59 53–59. ISBN 0-70811-291-9.