A.D. Patel ke janam 13 March 1905 me Kheda district, Gujarat, India me bhaesbhais rahaa. Uske lage tiin bhaeya aur ek bahini rahaa. Patel ke primary aur secondary ke sikchha Nadiad me bhaesbhais rahaa. Uu book parrhe pasand karat rahaa aur secondary school me achchha se parrhis rahaa. Uske baad uu Gujarat College, Ahmedabad me economics, politics aur history parrhis aur 1925 me Bachelor of Arts pass karis.
Uske baad uu Indian Civil Service (ICS) exam ke khatir parrhe ke khatir London School of Economics me bharti bhaesbhais. London me uske Indian freedom fighters se mulakaat bhaesbhais. Uu aapan dimaag badal ke Middle Temple me wakiili parrhe lagaa aur 1928 me graduate bahis.
== Pahila saadi ==
Rekha 63:
== Pahila election ==
Fiji me Hindustani log ke [[1929]] me pahila dafe Legislative Council khatir vote kare ke adhikar mila lekin Patel ii election me nai kharraa hoe sakis kahe ki uu Fiji me dui saal se kamti din talak rahaa. [[1932]] ke election uu [[Vishnu Deo]] ke saathe boycott karis. 1937 ke election me uu [[North Western Indian Division (Fiji)|North Western Indian Division]] mr kharraa bhaesbhais. Uske virod me, ek wakiil ke clerk, [[Chattur Singh]] kharraa bhaesbhais. Election me Singh ke 671 vote mila aur Patel ke 651. Patel ke haar se bahut log achambhao me parr gain kahe ki uske Fiji ke Hindustani leader, khaas kar ke Vishnu Deo, ke support rahaa. Uske haar ke kaaran rahaa ki Singh Ba me acchhaa se jaana jaat rahaa, uu Indian Association ke Ba branch ke President rahaa, aur uske bhaeya, [[Parmanand Singh]] uu tiin Hindustani me se ek rahaa, jon ke 1929 me Legislative Council me chuna gais rahaa. Patel Fiji ke Muslim log ke gussae diis rahaa kahe ki uu Muslim log khatir alag member ke maang kee virod karis rahaa aur uu ek Gujarati rahaa aur Hindustani kisan log ke Gujarati log paisa karjaa de ke khatir jaada biaaj maangat rahin. Patel ke haar ke sab se khaas kaaran rahaa ki Singh ii election ke Fiji-born (Singh) aur India–born (Patel) ke biich waala election banae diis aur Patel aapan naam aur kharaab kar diis jab ki uu ii bolis kii Singh ganna ke khet me paida bhaesbhais rahaa.
== Sangam ke wakiil aur manager==
Rekha 80:
== 1960 me ganna ke kisan ke harrtaal ==
1950 ke ganna ke contract contract 1960 me khalaas hoe ke rahaa, jab ki [[January]] [[1959]] me [[Colonial Sugar Refining Company (CSR)]] ek nawaa contract banae ke kisan logan ke sign kare ke bhejis, jisme kisan logan ke pahile 20 saaal me jon kuchh mila rahaa uske band kare ke kosis karat rahaa. Kisan logan ii faesla karin ki uu logan ke ek saathe hoe ke kaam kare ke chaahi aur ii khatir, [[May]] 1959 me Federation of Cane Growers banawa gais jiske khaas agwa A. D. Patel rahaa. Sarkar, Company aur Federation ke biich me kuch meeting bhaesbhais lekin Company pichchhe nai hatis kahe ki uske lage godaam me dher chini rahaa. Sarkar ii sujhao diis ki ek Commission of Inquiry ke baithawa jaae lekin Patel batais ki kisan logan ek Court of Arbitration maange hae.
[[24 July]] [[1960]] me, Kisan Sangh ke [[Ayodhya Prasad]] aur Labasa Kisan Sangh ke [[Vijay R. Singh]], Federation se nikal ke 1960 ke ganna khatir ek contract pe sign kar diin.
