Penang (Rakiraki) Mill

Penang Mill ek ganna ke pere waala mill rahaa, jiske 1881 me Rakiraki, Fiji me banawa gais rahaa.

Itihaas badlo

Nathaniel aur Charles Chalmers (duuni bhaiya logan) Rakiraki me 1870s me jamiin khariid ke ganna boe ke suruu karin. Ii estate ke Penang naam dewa gais kaaahe ki Dr Charles Chalmers Malaysia ke Penang Island me (jab uu Indian Army me rahaa) me pahile rahat rahaa. Ii estate bahut achchaa matti me rahaa aur hian pe achchhaa ganna howat rahaa.

7 May 1881 me Chalmers bhaiya logan hian pe ek ganna ke mill suruu karin jon ki har in 5 ton ganna banae sakat rahaa. 1883 talak ii estate me dui feet chhe inch gauge ke pakki bichhawa gais. Suruu me ghorraa se ganna ke gaari ke khichaa jaawat rahaa. Ii time me chini ke mill se jahaaj talak, jon ki samundar me langarr girae rahaa, ke Penang Naddi se punt se lae jawa jaawat rahaa.

1889 me, Dr Charles Chalmers ke maut ke baad, ii mill Melbourne ke Fraser and Company (jon ki estate ke trustee rahaa) ke lage chal diis. Ii logan ii mill aur estate ke beche ke kosis karin lekin koi kharide waala nai milaa. 1897 me Fraser and Company liquidation me chal diis aur liquidator logan Melboune Trust Company Limited banae ke Penang Sugar Estate ke chalae lagin.

1898 se 1906 talak mill ke barhawa gais aur Deuba aur Mago ke band karaa gais mill se equipment ke laae ke. 1899 me mill Penang 3 Star Brand ke chini ke Fiji me bechat rahaa. Ii time me mill se khaali 1 mile duur talak gana bowa jjawat rahaa. 1910 se mill ke aur barrhawa gais, pakki line ke 2feet gauge pe standadise karaa gais, Penang Naddi pe ek nawaa pul banawa gais, pakki ke Wailevu aur Wairuku Creek ke uppar se lae jawa gais aur ek inign ke kharida gais.

1916 me pakki ke purana Ellington Sugar Estate ke Nasogoi point talak barrhawa gais jisse ki chini ke hian se jahaaj pe laada jaae sake. Pakki ke west ke bagal bhi Vitawa talak barrhawa gais aur k aur ingin kharida gais.

1920 me jab Girmit khalaas bhais, aur dunia me cini ke daam giraa tab 1921 me ganna ke bowai ke band kar dewa gais. May 1922 me mill ke band kare ke faesla karaa gais, lekin June 1923 me iske fir se khole ke faesla karaa gais. Navua ke band karaa gais Tamanua Mill se majuur ke estate me kaam me lagawa gais. 1925 me ganna pere ke fir se suruu karaa gais. 1926 me ii mill ke CSR Company ke bech dewa gais.

2016 mein, jab TC Winston Rakiraki me ekdam naas kar diis, toh Penang Mill ke bhi dher haani pahucha, aur bahut soche ke baad, Fiji ke sarkar aur FSC saal ke anth me mill ke band kar diis. Ab, Dobuilevu se Nanuku tak jon jon ganna pehle Penang le jaat raha, ab Rarawai Mill apan ganna bheje lorry mein.

Aur dekho badlo

Bahaari jorr badlo

Granth suchi badlo

  • Dyer, Peter; Peter Hodge (1988). Cane Train: The Sugar-cane Railways of Fiji. Wellington, New Zealand: New Zealand Railway and Locomotive Society. pp. 25-32. ISBN 0-908573-50-2.

References badlo