CSR (Nausori) Mill

CSR (Nausori) Mill ek ganna ke pere waala mill rahaa, jiske 1882 me CSR Company, Nausori, Fiji me banais rahaa.

ItihaasBadlo

1880 me sarkar aur baraa local planter logan ke support ke kaaran, CSR Nausori me ek mill banae ke decide karis. June 1881 me mill bane ke suruu bhais aur 18 August 1882 ke ii mill ke officialy open karaa gais.

Nausori me mill ke lage aur Baulevu me J. C. Smith aur J. C. Sahl ke estate me 2 feet gauge ke pakki bichhawa gais rahaa. Baulevu me pakki Rewa Naddi ke kinare khalaas howat rahaa aur hian se ganna ke punt se mill talak lawa jaawat rahaa. 1884 me mill kae barrfhawa gais jisse ki ii 20 ton chini har din banae sake. Baulevu me ek engine ke bhi kaam me lawa jaawat rahaa. 1914 talak ii mill 104 ton chini banae sake rahaa.

Girmit ke jamaana me, Nausori bahut jaana maana raha, kahe ki Rewa ilaka mein sabse dher ganna ke plantation raha. Yahan ke jon sab ganna kata gain raha, Nausori Mill rail pe le jawa gais raha. Ii railway abhi ke Wainibokasi Hospital aur Nakelo ilaka se Lakena aur Verata tak jaawat raha. Mill ke band howe ke baad, rail ke sab ukhad dewa gais, lekin uske nisaan abhi tak hai. Aaj ke Nausori town ke uttar mein, jahan pehle mill raha, ek bada khali jamiin hai, jahan railway siding raha, aur Google Maps pe dikhaai jahan pakki ke embankment raha Manoca aur Lakena ke ilaka mein. Vuci Irrigation Road pehle ke pakki raha, jon Waituri Road se Waidamu tak, aur Naduru Road Kuku ilaka tak purana rail raha. Nausori Airport ke nawa extension Wainibokasi branch ke uppar se bane hai, aur Visama aur Nakelo aur Ratu Kadavulevu Road, Visama junction se pehle rail line raha.

1959 me ii mill ke, ganna me kamtii chini ke kaaran aur bahut dher paani ke barse ke kaaran ganna kharaab howat raha, band kar dewa gais.

Mill ke band howe ke baad, puraa Nausori ke maane ke jhaga me ganna ke kheti howe khatam hoe gais. Kuch saal ke liye, Nausori me dhaan ke kheti suru bhais raha, aur purana mill rice mill ban ge raha, lekin kuch anjaan kaaran se dhaan be khatam hoe gais. Ab Raralevu, Korociriciri, Vuci, Lakena jaisan ilaka me urbanization ke kaaran se, kheti bahut thoda dikhai, lekin Muaniweni, Baulevu, Sawani jaisan ilaka me ab tarkari bhaji ke kheti hoe.

Aur dekhoBadlo

Bahaari jorrBadlo

Granth suchiBadlo

  • Dyer, Peter; Peter Hodge (1988). Cane Train: The Sugar-cane Railways of Fiji. Wellington, New Zealand: New Zealand Railway and Locomotive Society. pp. 18,19. ISBN 0-908573-50-2.

ReferencesBadlo