Fiji Crested Iguana

|Fiji Crested Iguana (Brachylophus vitiensis), Fiji me dui rakam ke iguana me se ek hae. Duusra iguana hae, Banded iguana (Brachylophus fasciatus). Duuno species iguana ke ek species me se evolve bhaen hae jon ki South America se raft me bahe ke Fiji pahucha rahin. Fiji Crested Iguana ke 1979 me pahila dafe, University of the South Pacific ke Dr John Gibbons paais rahaa. Fiji Crested Iguana ke Banded iguana se antar iske male pe tiin patra ujjar band se karaa jaae sake hae jab ki Banded iguana me mota, chakla, blue band rahe hae. Fiji Crested Iguana duusra species se baraa hae, iske pithi me spiny "crest" hae aur ii aapan rang badal ke karia kar le sake hae. Ii iguana ke khali Yadua Taba Island me pawa jaae hae kahe ki huan pe bakrri nai hae jon ki iguana ke rahe waala jagah ke barbaad kar de hae.