Martin Luther

Martin Luther (10 November 1483 - 18 February 1546 ) ek German monk aur Christianity ke theologian rahaa, jon ki baad me Lutheran Church ke suruu karis rahaa. Ii Protestantism ke pahila church rahaa jon ki Roman Catholic church se alag hoe gais rahaa. Uu Reformation ke time ke ek khaas jan rahaa.

Jindagi

Universität Wittenberg

University of Erfurt me philosophy parrhe ke baad uu 1505 me ek monk ke ruup me Augustinian Order me saamil bhais. Luther theology aur puraana bhasa parrhis. 1512 me uu Wittenberg me ek doctor of theology banaa aur Psalms aur "Letters of Paul" ke baare me bhasan de lagaa

October 1517 me uu aapan 95 Theses likhis aur publish karis. Isme uu western Church ke sikchha jisme praschhit aur Pope ke adhikaar rahaa ke uppar uu sawal uthais. Ii samay pe Catholic Church ii bataawat rahaa ki Church ii faesla kari ki kon maut ke baad swarag jaai aur iske uu logan paisa khatir bechat rahin. Agar ii sach rahtaa tab gari logan swarag nai jaawe sake hae. Luther ii biswas karat rahaa ke ii galat hae aur Bible ke updesh ke virod me hae.

Paul ke chitthi parrhe ke baad Luther, "sola fide" ke bichar ke develop karis. Iske matalb ii rahaa ki khaali biswas abmii log ke Bhagwan ke nachdik laai jon ki dayalu hae. Iske kaaran dher Church ke riti riwaj bekaam ke hae aur iske biig de ke chaahi.

Suruu me Luther, Roman Church ke badle ke kosis karis aapan Theses se lekin Pope uske chaal ke Church ke virod maan ke uske Church se 15 June 1520 me nikaal diis, ek chitthi de ke ki uske swarag jaawe ke adhikar nai hae. October me Luther ii kagaj ke khule aam jarais ii dekhae ke khatir ki uske ab uu Church ke baat nai suni, jab tak ki Church uske baat nai maani.

Emperor Charles V, 22 January 1521 ke, Diet of Worms ke ii case samasya ke sune ke khatir kholis aur ant me uske ek gaer kaanuni karis. ^[1]

Luther, aapan friend Philip Melanchton ke saathe, Lutheran Church ke suruu karis. Luther ke maut 1546 me Eisleben me bhais

References

↑ Bratcher, Dennis. "The Edict of Worms (1521)," in The Voice: Biblical and Theological Resources for Growing Christians. Retrieved July 13, 2007.

Duusra websites

[1] Bratcher, Dennis. "The Edict of Worms (1521)," in The Voice: Biblical and Theological Resources for Growing Christians. Retrieved July 13, 2007.

[1]