Nazhat Shameem
Nazhat Shameem (Janam: 1960), Fiji ke ek Hindustani wakiil, judge aur aurat log ke adhikaar khaatir larre waali activist, aur diplomat hae.
| Nazhat Shameem | |
|---|---|
 Nazhat Shameem | |
| Janam | 16 November 1960 Suva,Fiji |
| Citizenship | Fijian |
| Jaati | Hindustani |
| Citizen | Fiji Citizen |
| Parrhai | Master of Laws, Philosophy |
| Parrhai ke jagha | Sussex University, Cambridge University |
| Kaam | Wakiil, World Bank |
| Kaam ke saal | 1984 - present |
| Jaana jaawe hae | Wakiil, Judge, Diplomat |
| Board ke member | Women's Initiatives for Gender Justice |
| Aurat/ Admii | Aslam Khan |
| Larrkan | Siffat Khan, Khizer Khan |
| Mai/Baap | Ayesha Shameem Abdul Azeez |
Bachpan ke din aur Parrhai
badloNazhat Shameem ke janam, Fiji ke capital, Suva me bhais rahaa. Uske pitaji, Abdul Azeez, aur maiyaa adhyapak rahin. 1981 me Shameem England ke Sussex University se Bachelor of Law with Honours karis rahaa aur 1982 me Cambridge University se Master of Law karis. 1988 me, uu Cambridge University se Master of Philosophy in Criminology karis. [1]
Kaam
badloShameem ke England, Wales aur Fiji me Wakiili practice kare ke ijaajat milaa. 1984 me Fiji laut ke, Shameem Director of Public Prosecutions ke Office me kaam suruu karis. 1985 me uu Senior Legal Officer banis, 1986 me Principal Legal Officer, 1989 me Assistant DPP, 1990 me Deputy DPP aur 1993 se 1999 talak uu DPP rahii. Jab uu DPP rahii tab Shameem ek 'Sexual and Gender Based Crimes Unit' ke banais rahaa aur iske kaaran larrkan khatir achchhaa initiative, criminal justice system me aais. Uu ii time, 'sexual harassment' laws ke Fiji Civil Service me implement kare ke agwaii kare rahii.[2] 1999 me uu Fiji High Court ke aurat Judge banis. Uu High Court ke criminal jurisdiction ke sambhaalat rahii. Ii time uu Fiji ke Court of Appeal me bhi baithat rahii. 2009 me uu judge ke kaam chorr ke aapan practice suruu karis aur jaada kar ke human rights, work place governance aur litigation me specialise karis. [3]
Fiji ke Ambassador
badloApril 2014 me Shameem ke Geneva me United Nations me Fiji ke ambassador aur Switzerland ke ambassador banaawa gais. United Nations me uu Trust Fund for small island developing States (SIDS) aur Least Developed Countries (LDCs) in working towards universal representation of all countries in the Human rights Council ke kaam ke support karis. 2018 me uu Human Rights Council ke Efficiency process ke technology stream ke co-chair karis. Uu Human Rights Council Task Force on Accessibility for Persons with Disabilities ke bhi chair karis. [4]
15 January 2021 me Shameem ke Geneva me Human Rights Council ke President chuna gais. [5]
December 20021 me Shameem ke International Criminal Court ke Deputy Prosecutor chuna gais.[6]
References
badlo- ↑ "Prabook:Nazhat Shameem". Prabook. Retrieved 7 March 2024.
- ↑ "Nazhat Shameem Khan". ATLAS. Retrieved 8 March 2024.
- ↑ "Nazhat Shameem Khan - Deputy Prosecutor". International Criminal Court. Retrieved 7 March 2024.
- ↑ "Bio of Ambassador Nazhat Shameem Khan". United Nations Human Rights Council. Retrieved 7 March 2024.
- ↑ "Nazhat Shameem Khan, President of the 15th Cycle". United Nations Human Rights Council. Retrieved 7 March 2024.
- ↑ "Nazhat Shameem Kahan elected as Deputy Prosecutor of International Criminal Court". Fijivillage. Retrieved 7 March 2024.