Selia Levu (Taveuni) Mill

Selia Levu Mill ek ganna ke pere waala mill rahaa, jiske 1875 me Taveuni, Fiji ke Selia Levu Estate ke khatir banawa gai srahaa.

Itihaas

Ii mill Taveuni ke south-east me rahaa aur 29 September 1875 me chini pere ke suruu karis. Selia Levu Estate me 1873 se ganna bowe ke suruu karaa gais. 1874 me Maitland Brothers (jon ki Vuna ke sab sab se barraa kisan rahaa, aur pahile rui ke kheti karat rahaa) , Sydney se ek mill laais jisse har din tiin ton chini banawa jaae sakat rahaa. Ganna ke pahila katai me 350 ton ganna ke bael aur ghorraa se khiich ke mill talak lae jawa gis lekin jaada paani barrse ke kaaran ii kaam sahaj nai rahaa. 1876 me 2.4 kilometre ke pakki line bichhawa gais aur ganna ke gaarri ke ghorra aur bael ke khiicha gais rahaa. April 1878 me Walter Hunter, jon ki ek ek parrosi kisan rahaa, ii mill ke lae lis aur isme sudhaar karis. 1890 me, paisa ke taklifi ke kaaran ii mill ke band kar dewa gais. Abhi ke rastaa jon ki Vuna Point jaawe hae, ii mill ke pakki waala rasta se jaawe hae.

Aur dekho

• Fiji me chini ke mill

Bahaari jorr

• Taveuni ke map

Granth suchi

• Dyer, Peter; Peter Hodge (1988). Cane Train: The Sugar-cane Railways of Fiji. Wellington, New Zealand: New Zealand Railway and Locomotive Society. p. 5. ISBN 0-908573-50-2.