Kālidāsa: ke revisions ke biich ke antar

'''Kālidās''' (Devanāgarī: कालिदास), [[Sanskrit]] me ''[[Meghadoot]]'', ''Shākuntal'', aur dher book likis rahaa. Iske jagah Sanskrit me wahi rakam haihae jaise ki Shakespeare, English me haihae. <ref>There have been a few other authors in Sanskrit of lesser statures having the same name, Kālidās; the authors of Nalodaya and Shrutibodha were two among them.</ref>

Iske jindagi ke baare me bahut kuch nai jaana jaae haihae lekin ii koi time 130 BC aur 600 CE ke biich me jinda rahaa.

Kālidās, aapan lekh me koi raja ke naam nai likis haihae.<ref>But some historians think he was a poet-dramatist at the court of a king named [[Vikramāditya]]. There were, however, several kings in ancient India who had assumed the name Vikramāditya. One among them was the famous [[Chandragupta II|Chandragupta II Vikramāditya]] of the [[Gupta]] dynasty, who had assumed the throne of [[Magadh]] around 378 CE.</ref>

Kālidās, tiimn play likis haihae: ''Mālawikāgnimitra'' ("Mālavikā aur Agnimitra"), ''Abhijñānashākuntala'' ("Shakuntala ke pehchaan"), and ''Vikramorwasheeya'' ("Vikram aur Urwashi ke baare me"). Abhijñānashākuntala, jiske ek bahut achchhaa play maana jaae haihae ke sab se pahile [[English language|English]] aur [[German language|German]] me translate karaa gais rahaa.

''Mālawikāgnimitra'', Raja Agnimitra ke baare me khissa batae haihae, jon ki ek gulam larrki, Mālavikā ke chapa se pyaar kare lagaa.

Jab rani ke iske baare me pataa laga tab uu bahut gussae gais aur hukum diis ki uu larrki ke jahel bhej dewa jaae, lekin ii pata chalaa ki asli me larrki ek princess haihae aur uske raaji hoe ke parraa.

''Abhijñānashākuntala'', Raja, ''Dushyanta'' ke baare me khissa haihae, jon ki jangal me ''Shakuntalā'' ke mile haihae. Dushyanta aur Shakuntalā pyar kare lage haihae aur saadi kar le haihae. Dushyanta, Shakuntalā ke saathe jangal me rahe lage haihae lekin uske rajdhani me ek bahut jaruri kaam se balawa jaae haihae. Aakhri me duno sukhi se rahe lage haihae.

''Vikramōrwasheeya'', uppar duuno play se jaada mystical haihae.

Kālidās, dui achchhaa kavita, ''Raghuvamsha'' ("Raghu ke Raj") aur ''Kumārasambhawa'' ("Kumar Kartikeya ke Janam"), aur ''Meghadoota'' ("Badal ke Messenger") aur ''Rutusamhāra'' ("Mausam ke baare me") likhis haihae.

Kuch historian log Kālidās ke niche lakha gais kaam khatir credit kare haihae , lekin gyani log ii maane haihae ki ii sab duusra log haihae jiske naam bhi Kālidās haihae:

* [[K.D. Sethna]]. Problems of Ancient India, p. &nbsp;79-120 (chapter: "The Time of Kalidasa"), 2000 New Delhi: Aditya Prakashan. ISBN 81-7742-026-7 (about the dating of Kalidasa)