Lekh Ram Vayeshnoi

Lekh Ram Vayeshnoi (janam: 15 May 1965) Fiji ke ek Hindustani politician hae jon ki 1992 me Fiji ke House of Representatives ke sab se jawan member rahaa.

Lekh Ram Vayeshnoi
Janam15 May 1965
Lavosa, Nadroga, Fiji
GharOlosara, Sigatoka
CitizenshipFiji Citizen
JaatiHindustani
CitizenFiji Citizen
ParrhaiFiji Junior Certificate
Parrhai ke jaghaSigatoka Valley Junior Secondary School
KaamKisan
Kaam ke saal1992 - 2007
Home townSigatoka
Jaana jaawe haePolitician, Kisan
TermHouse of Representatives (Fiji)
Nadroga East Indian Communal Constituency: 1992 - 1999
Nadroga Indian Communal Constituency: 1999 - 2006
Cabinet positions
Assistant Minister in Prime Minister's Office (Chaudhry): 1999
Minister for Energy and Mineral Resources (Qarase): 2006
Monister for Youth, Sport, Employment Opportunity and Productivity (Bainimarama): 2007
PartyFiji Labour Party
DharamHindu
Aurat/ AdmiiSunita Vayeshnoi
LarrkanVir Vikash Vayeshnoi
Mai/BaapFather: Sukh Ram
Mother: Bhan Wati
Awards1988 Young Farmer of the Year
Website
http://www.lrvayeshnoi.org

Uske janam 15 May 1965 me Lavosa (Ii jagha Sigatoka Valley me town se 50 kilometer bhittar hae.), Nadroga me bhaes rahaa. Uske palwar kisan rahin. 1980 me garibi ke kaaran uske aapan parhae band kare ke parraa. 1988 me, 23 saal ke umar me, uske Young Farmer of the Year ke award mila, jisme uske New Zealand jaae ke prize mila.

Vayeshnoi pahila dafe 1992 me House of Representatives me Fiji Labour Party (FLP) ke ticket pe Nadroga East Indian Constituency se chuna gais rahaa. Uu ii constituency se 1994 ke snap election me fir se jiitis.

1999 ke election me uu fir se FLP ke taraf se Nadroga Indian Communal Constituency se kharraa hoe ki 61% vote se jiitis. Uske Chuadhry Sarkar me Assistant Minister in the Prime Minister's Office banawa gais rahaa. 19 May 2000 ke coup me, jisme People's Coalition Government ke member ke George Speight hostage rakkhis rahaa, me Vayeshnoi ke bhi pakarr ke rakkhaa gais rahaa. Uske 21 may 2000 ke chhorr dewa gais rahaa jab uu ek kagaj be sign kar ke Parliament se resign kar diis rahaa.

2001 ke election me uu fir se Nadroga Indian Communal Constituency se jiitis. Ii term me uu military commander ke Qarase government ke viirod me khula viord ke sammarthan karis.

2006 ke election uu aur jaada bahumati se jiitis aur Qarase ke multi-party cabinet me uske Minister for Energy and Mineral Resources banawa gais. Uu aapan sarkar ke virod me 12 June ke ek bhasan diis jiske kaaran Qarase uske virod me disciplinary action le ke threaten karis.

5 December 2006 ke coup ke baad Bainimarama ke sarkar me uske Minister for Youth and Sports and Employment Oppportunities banawa gais rahaa.

References badlo


Fiji ke Hindustani

Leader − Politician (1929-1971) − Politician (1972-1987) − Politician (1992-1998) − Politician (1999-2006) − Politician (2014- ) − Political Activist − Khel kuud − Government Service − Social Service − Education − Dharam − Businessman − Unionist − Writer

Narendra Singh Arjun −  Anand Babla −  Pramod Chand −  Shiu Charan −  Gaj Raj Singh Chaudhry −  Mahendra Chaudhry −  Harnam Singh Golian −  Satish Gulabdas −  Ali Ayub Husain −  Tulsi Ram Khelawan −  Mohammed Azam Khalil −  Sayed Abdul Khaiyum −  Dhirendra Kumar −  Shiromaniam Madhavan −  Vinod Chandra Deo Maharaj −  Dorsami Naidu −  Wadan Narsey −  Rajeshwar Prasad −  James Raghwan Raman −  Pardhuman Raniga −  Jai Ram Reddy −  Krishna Chand Sharma −  Shiu Sharan Sharma −  Aptar Singh −  Charan Jeath Singh −  Hardayal Singh −  Maan Singh −  Raman Pratap Singh −  Mohammed Lateef Subedar −  Lekh Ram Vayeshnoi −  Hikmat Singh Verma