Leonidas (jahaaj)

Girmit Jahaaj Leonidas

Jahaaj ke number:	1
Jahaaj ke banawat:	Sailing Ship
Fiji pahuche ke taarik:	15 May 1879
Immigration pass ke number:	1 - 463
Jahaaj me etna girmitya rahin:	463
Jaane maane girmitya:

Leonidas, pahila jahaaj rahaa jisme girmitya logan ke India se Fiji lawa gais rahaa. Iske naam Sparta ke raja se aais hae. Suruu me ii jahaaj West Indies me girmitya logan ke lae jaae ke khatir kaam me laawa jaawat rahaa. 1878 me ii 580 girmitya logan ke St Lucia lae gais rahaa.

Fiji ke yatra

Leonidas, 3 March 1879 ke Calcutta chorris aur 72 din baad, 15 May 1879, ke Levuka pahuchis. Jahaaj me puura milae ke 498 passenger rahin jisme 273 admi, 146 aurat aur 79 larrkan rahin. Ii logan uu 61,000 girmitya logan me se pahila rahin jon ki 1879 se 1916 talak Fiji aae rahin.

Jahaaj me bemaari

Jab Leonidas ke Calcutta chorre ke khali tiin din bhais rahaa tab kuchh girmitya logan ke haeja (cholera) aur kuchh ke maata (smallpox) pakarr liis. Surgeon Superintendent ke kosis ke bawajuut satrah log mar gain. Jab ki Levuka me quarantine station nai rahaa tab jahaaj ke duur anchor karaa gais aur khaana aur chitthi ke fumigate kar ke boat se lawa gais rahaa.

Quarantine

Yanuca Lailai ke quarantine station banawa gais. Huan pe khali 350 jan ke rahe ke khatir jagha rahaa. Chhe roj me aur fuus ke ghar banae ke girmitya logan ke ii island me lawa gais. Hian par bhi pandrah aur log ke maut, dysentery, diarrhoea aur typhoid, se bhais. 9 August 1879 ke girmitya logan ke quarantine se chhorra gais.

Yatra ke suchi

Pahuche ke tarik	Manzil	Passenger ke number	Maut
1878	St Lucia	580	-
15 May 1879	Fiji	463	32

Bahaari jorr

• Indian indenture ships to Fiji
• Indian indenture system
• The day the 'Leonidas' arrived in Fiji Archived 2008-10-05 at the Wayback Machine

Bibliography

• Fiji Times, 17 May 1879
• Fiji Government, The Colony of Fiji: 1874 – 1924, Government Printer, Suva, Fiji, 1925
• B.V. Lal, Chalo Jahaji: on a Journey through Indenture in Fiji, Australian National University, Canberra, 2000, pp. 143–152
• K. L. Gillion, Fiji's Indian Migrants, pp. 63–65, Oxford University Press, London, 1962, ISBN 0-19550-452-6

	Girmit waala jahaaj
Leonidas	Berar	Poonah I	Poonah II	Bayard	Syria	Howrah	Pericles	S.S. Newnham	Main
Ganges I	Boyne	Bruce	Hereford I	Moy I	Rhone I	Allanshaw	Danube	Jumna I	British Peer
Avon I	Hereford II	Moy II	Jumna II	Ems I	Hereford III	S.S. Vadala	S.S. Virawa I	Erne	Elbe I
Rhone II	Clyde	Moy III	Avon II	Ganges II	Ganges III	Elbe II	Arno I	Rhine	S.S. Fazilka I
S.S. Fultala I	S.S. Fazilka II	S.S. Virawa II	S.S. Fazilka III	Mersey	Elbe III	Arno II	Arno III	Ems II	S.S. Fultala II
S.S. Virawa III	S.S. Wardha I	S.S. Fultala III	S.S. Fazilka IV	S.S. Fultala IV	S.S. Wardha II	S.S. Fazilka V	S.S. Virawa IV	S.S. Fazilka VI	S.S. Sangola I
S.S. Sangola II	S.S. Sangola III	S.S. Sangola IV	S.S. Sangola V	S.S. Santhia I	S.S. Sangola VI	S.S. Santhia II	S.S. Mutlah I	S.S. Sutlej I	S.S. Ganges I
S.S. Mutlah II	S.S. Sutlej II	S.S. Sutlej III	S.S. Indus	S.S. Ganges II	S.S. Ganges III	S.S. Ganges IV	S.S. Sutlej IV	S.S. Ganges V	S.S. Ganges VI
S.S. Chenab I	S.S. Chenab II	S.S. Mutlah III	S.S. Ganges VII	S.S. Mutlah IV	S.S. Chenab III	S.S. Sutlej V