Rarawai (Ba) Mill

Rarawai (Ba) Mill ek ganna ke pere waala mill rahaa, jiske 1886 me Rarawai, Ba, Fiji me me banawa gais rahaa. Ii mill Ba Naddi ke east bank me samunar se saat mile uppar hae.

Itihaas

Rarawai mill ke kuchh company saathe hoe ke banae rahin, jisme rahin New Zealand Sugar Company (jiske CSR own kara rahaa), Victoria Sugar Company aur kuchh New Zealand ke Company, lekin ii sab 1888 me CSR Comapany se amalgamate hoe gain rahaa. CSR 1884 me Fiji ke newspaper ke batais ki Company, Nausori Mill ke rakam, Wharf aur floating carriers banai. 1885 me mill khatir saaman aawe lagaa. Pahila ingin 1885 me aais aur iske naam, General Gordon, dewa gais aur construction ke kaam me lagawa gais. January 1886 talak 13 mile ke pakka line baithae dewa gais rahaa.

Mill 12 July 1886 ke ganna pere ke suruu karis. Pahila katai khatir 700-800 bigha kanna taiyaar rahaa. Iske jaada kar ke Varoko aur Yalalevu se punt me laad ke mill talak lawa gais rahaa. Naddi ke jariye ganna laae ke musibat se bache ke khatir ek pakki line Varoko se Yalalevu talak bichawa gais aur Yalalevu (jon ki mill ke opposite me hae) se pontoon se ganna ke mill talak pahunchawa gais. Mill me banaa chini ke ek paddle steamer, Rarawai, se jahaaj, jon ki samundar me anchotr rahat rahaa, talak lae ke jaawat rahis. Naddi ke muh ke lage mangrove ke daldal ke drain kar ke aur jamiin ganna ke khatir khola gais

1902 me pontoon ke jagha Ba Naddi ke uppar se ek, 550 foot ke, pul banawa gais. Mill ke thorra naddi ke aur uppar hatawa gais aur barra gkaraa gais. 1904 me Ba Naddi ke uppar ek aur pul Cameron ke estate me Nabutolu me banawa gais. 1906 me Ba aur Lautoka ke pakki ke jorr dewa gais rahaa. 1907 talak pakki line ke Tavua talak barrhawa gais.

Aur dekho

• Fiji me chini ke mill

Bahaari jorr

• Google map mill ke jagha dekhawe hae

Granth suchi

• Dyer, Peter; Peter Hodge (1988). Cane Train: The Sugar-cane Railways of Fiji. Wellington, New Zealand: New Zealand Railway and Locomotive Society. pp. 25-32. ISBN 0-908573-50-2.