Reunion me Girmit
Reunion, Indian Ocean me ek French colony hae. 1826 me Reunion ke sarkar kanuun banais jiske niche Hindustani majuur ke ii island pe lae jawa jaawe sake. 1830 talak 3,012 Hindutani logan ke Indians French territories, jaise ki Pondichery aur Karikal, se Reunion lae jaawa gais.
Duusra colony ke rakam hian pe bhi Africa se gulaam logan ke laae ke plantation mr kaam larawa jawat rahaa. 1848 me jab France aur uske colony me gulaami khalaas hoe gais tab duusra jagah se majuur ke bharti kare ke kosis suruu bhaes.
25 July 1848 ke France aur Britain ke biich me ek samjhauta ke uppar sign karaa gais jiske niche har saal France 6,000 Hindustani majuur ke girmit ke niche Reunion khatir bharti kare sake. Ii girmit paanch saal ke rahaa, jiske baad India laute khatir free passage milat rahaa. Majuur logan e achchaa se dekhe ke bhi waada rahaa. 1848 aur 1860 ke biich me ii rakam se 37,777 Hindustani logan, jaada kar ke Tamil Nadu waala jagah ke rahin.
Pahila World War talak Hindustani logan ke khaali foreign majuur maana jaawat rahaa, lekin 1920 ke baad uu logan ke puura French citizenship milaa, aur jab 1946 me Reunion ke France ke ek department banawa gais tab huan ke Hindustani logan ke puura adhikar milaa.
1999 me 709,468 ke abaadi me se 180,000 Hindustani rahin. Iske uu Hindustani bhi hae jon k apne se, haas kar ke Gujarat se, aawe rahin.