Wikipedia:Aaj ke featured chapa/September 2008
Aaj ke featured chapa ke archive
September 2008 - October 2008 - November 2008 - December 2008
Aaj Etwaar, 22 Disambar, 2024 hai. Abhi ke time 21:56 hai
- September 22
|
The Fiji Crested Iguana (Brachylophus vitiensis), Fiji me dui rakam ke iguana me se ek hai. Duusra iguana hai, Banded iguana (Brachylophus fasciatus). Duuno species iguana ke ek species me se evolve bhain hai jon ki South America se raft me bahe ke Fiji pahucha rahin. Fiji Crested Iguana ke 1979 me pahila dafe, University of the South Pacific ke Dr John Gibbons paais rahaa. Fiji Crested Iguana ke Banded iguana se antar iske male pe tiin patra ujjar band se karaa jaae sake hai jab ki Banded iguana me mota, chakla, blue band rahe hai. Fiji Crested Iguana duusra species se baraa hai, iske pithi me spiny "crest" hai aur ii aapan rang badal ke karia kar le sake hai. Ii iguana ke khali Yadua Taba Island me pawa jaae hai kahe ki huan pe bakrri nai hai jon ki iguana ke rahe waala jagah ke barbaad kar de hai.
|
- September 23
|
Tagimoucia (pronounced:tahng-ee-mo-thee-ya), (Scientific name: medinilla waterhousei), Fiji ke national fuul hai, jon ki ek faile waala paudha me laal rang ke fuul, jiske biich ujjar hai, ke fuul hai. Iske chapa ke Fiji ke dher postage stamp me rakkha gais hai. Ii fuul ke khali Taveuni ke Mount Uluigalau ke uppar volcanic cratar se banaa talao ke kinare pawa jaae hai. Bahut kosis kare par bhi iske aur koi jagah nai jamawa jae sakaa hai. Kaiviti log batae hai ki ii fuul ek larrki, jon ki fuul ke vine me fas gais rahaa, ke aansu se banaa hai. Iske baare me aur khissa bhi hai lekin Kaviviti me iske naam ke matlab hai: "niind me ro"
Kal ke featured article: Fiji Crested Iguana |
- September 24
|
Ii chapa, ek des jahan pe motar left side me chalawa jaae hai, ke rpoundabout me mayar dekhawe hai. Roudabout
A diagram of movement within a roundabout in a country where traffic drives on the left. A roundabout is a type of road junction, or traffic calming device, at which traffic streams circularly around a central island after first yielding to the circulating traffic. Unlike with traffic circles, vehicles on a roundabout have priority over the entering vehicle, parking is not allowed and pedestrians are usually prohibited from the central island. Kal ke featured article: Tagimaucia ke fuul — Crested iguana |
- September 25
|
Himalaya pahaarr ke photo, jisme Mount Everest bhi hai, jiske International Space Station selewa gais hai. Himalaya, India aur Pakistan ke north waala jagah ke border Tibet se hai (jon ki abhi China me hai). Ii chapa me dunia ke 14 sab se uuncha pahaar me se chaar dekhae hai. Ii pahaarr hai: Makalu (8462 m), Everest (8850 m), Lhotse (8516 m) aur Cho Oyu (8201 m).
Photo credit: NASA Pahile ke featured article: Rounabout pe traffic —Tagimaucia ke fuul — Crested iguana |
- September 26
|
Anaar (English: pomegranate), (Scientific name: Punica granatum), ek rakam ke fal de waala patajhaṛī jhaarri, nai to perr, hai jon ki 5 -8 metre lamba hoe sake hai. Ii biswas karaa jaae hai ki anaar Persia aur India se suruu hoe ke Mediterranean me fael gais hai. Span me ek city ke naam (Granada), anaaar ke naam se aais hai
|
- September 27
|
Goa, India ke sab se chota state hai, agar jo area dekha jaae tab lekin 4th sab se chota agar jo population dekha jaae tab. Goa India ke west coast pe, Konkan region me hai. Ii state ke dui district, North Goa (baigani rang) aur South Goa (gulabi rang), me baata gais hai. Ii districts ke 11 aur chota tukra (jiske taluka bola jaae hai) me karaa gais. Ii state ke capital Panaji hai aur Vasco-da-Gama (Vasco) sab se barraa town hai.
|
- September 238
|
Bulbul, (Scientific name: Pycnonotus jocosus), ek Asia ke chirria hai jiske tropical asia ,jisme India, South-East Asia aur China hai, me pawa jaae hai. Iske New South Wales, Mauritius, Fiji aur Florida me bhi introduce karaa gais hai. Ii chirria fal ke bia ras aur kirwa khae hai. |
- September 29
|
Taj Mahal, Agra, India, ke Mughal Emperor, Shah Jahan 17th century me aapan aurat, Mumtaz Mahal, ke smaadhi khatir banwais rahaa. Iske banae me 23 saal lagaa aur isme India aur Asia ke sab se achchha material istemaal karaa gais hai. Iske chmke waala ke facade Rajasthan ke marble se banawa gais hai aur isme 28 rakam ke gahana hai. |
- September 30
|
Jupiter, suraj se duur 5th planet, lekin solar system me sab se barraa planet hai. Ii dunia se 318 dafe jaada garrhu hai, iske diameter dunia se 11 times jaada hai aur iske volume dunia se 1300 dafe jaada hai. Ii planet ke iske Great Red Spot khati jaana jaae hai, jiske Galileo 400 saal pahile pahila dafe dekhis rahaa. Ii chapa ke Cassini orbiter liis hai aur ii iske le waala 26,000 chapa me se ek hai. |
Aaj ke featured chapa ke archive
September 2008 - October 2008 - November 2008 - December 2008
Aaj Etwaar, 22 Disambar, 2024 hai. Abhi ke time 21:56 hai