Sashi Mahendra Singh: ke revisions ke biich ke antar

'''Sashi Mahendra Singh''' (1920 - 1990), (jiske S. M. Singh ke naam se bhi jaana jaat rahaa), [[Fiji]] ke [[Ba district, Fiji|Ba district]] me ek businessman aur Ba town ke mayor rahaa lekin Fiji bhar ke log uske [[Ba Football Association|Ba Soccer Team]] aur Fiji National Team ke coach se jaane hai. Uu Ba aur Fiji team ke khilaarri aur ek referee bhi rahaa. FoootballFootball ke alawa uu Hockey, Cricket, Tennis, Athletics, Boxing aur Rugby me bhi aapan yogdaan diis rahaa. Aapan politician, pitaji, Chattur Singh, ke sujhao pe Fiji ke kuchh Hindustani me se ek rahaa jon ki Second World War me army me bharti hoe gais rahaa. Iske baad uu aapan business suruu karis jisme auctioning aur motar ke spare parts ke business rahaa. Uu Ba Township Board ke Chairman bhi rahaa.

Singh ke Fiji me khel kuud ke yogdaan, jaada kar ke football me, khatir 2005 me Fiji Association of Sports and National Olympic Committee FIJI OLYMPIC ORDER diis. <ref>[http://www.sportingpulse.com/assoc_page.cgi?client=1-3653-0-0-0&sID=35870&news_task=DETAIL&articleID=602185&sectionID=35870 2005 Sashi Mahendra Singh - Football (soccer)] </ref>

Singh, samaj sewa me bhi bahut yogdaan diis hai. Uu Ba Ratepayers Association ke suruu karis rahaa aur 8 saal tak uske President bhi rahaa. Uu Ba Town and Country Planning Board ke ek member rahaa aur ek term tak Ba Township Board ke Chairman bhi rahaa. Uu sarkar se Ba Town Council ke member ke elect kare ke dabao daalis, lekin jab election bhais tab uu haar gais aur fir politics me bhaag nai liis. <ref> National Farmers Union, ''Girmit Divas - Commemorating 125 years of the arrival of Girmityas in Fiji'', page 25 </ref>

<br/><br/><br/>