Ami Chandra: ke revisions ke biich ke antar

{{Template:FIJIHINDUSTANILEADER}}

'''Pandit Ami Chandra Vidyalankar''' ([[1900|1900]] - [[13 March|13 March]] [[1954|1954]]), Fiji ke ek sikchhak, union leader, soccer ke administrator aur Legislative Council ke member rahaa. Panditji, Fiji [[1927]] me, Arya Samaj ke school me parrhae khatir, aais rahaa. Uu Ba aur Suva me nawaa school bhi suruu karis rahaa aur Fiji ke Hindustani ke Hindi sikhe khatir saral Hindi me Class 1-4 khatir book bhi likhis rahaa. Uu CSR (Colonial Sugar Refining Company) ke gora kulambar logan ke Hindi bhi parrhais rahaa. Uu scouting aur football me bhi rahaa aur [[Ba Football Association|Ba Indian Football Association]] ke suruu karis rahaa. Uu Fiji Teaches Union ke bhi suru karis rahaa aur ii biswwas karat rahaa ki politics aur union ke alag rahe ke chaahi iske khatir uu [[1952]] me Fiji Industrial Workers Congress suruu karis rahaa. Uske union ke biich me samjhauta karae ke khatir bhi balawa jaawat rahaa.<ref> {{cite book |last=Kanwal |first=Jogindar Singh |authorlink= |coauthors= |title=A hundred years of Hindi in Fiji |year= 1980|publisher=Fiji Teachers Union |location= Suva, Fiji|isbn=|page = 79}}</ref> Sarkar uske aadar karat rahaa aur Legislative Council me uske nominate bhi karis rahaa.

Panditji, Gurukul, Kangri, India ke graduate rahaa, aur jab [[22 December]] [[1927]] ke uu Fiji pahucha tab uske Suva Town Hall me barraa swagat karaa gais rahaa. Panditji Saweni, Lautoka me Gurukul Primary School me parrhae ke suruu karis. 1928 me uu Principal banis aur uske niche boarding school suruu karaa gais jisme 45 larrkan rahat rahin, jab ki school me kul jorr 140 students log parrhat rahin jisme 25 Kaiviti bhi rahin. Uske achchha kaam ke khatir Governor, Sir Murchison Fletcher se bhi badhaai mila

Panditji 1929 me Fiji Teachers Union suruu karis rahaa aur iske pahila President bhi rahaa.<ref>{{cite book| last = Sharma | first = Guru Dayal | title = Memories of Fiji: 1887 - 1987 | publisher =Guru Dayal Sharma, Suva, Fiji | year = 1987 | id = | page = 182 }}</ref> Uu bahut union ke leader ke madat karis rahaa aur Chini Mazdur Sangh aur Gold Mine Workers Union ke suruu kare me madat karis rahaa.<ref name="Vijay R. Singh 2006">Sir Vijay R. Singh, Speaking Out, Knightsbrook Publications, 2006, ISBN 0-97775166-0-1 </ref> Uske Fiji ke sab logan biswas karat rahin aur jab 1943 me [[Kisan Sangh]] dui gut me split hoe gais rahaa tab duuno side Panditji ke Sangh ke book audit kare khatir raaji bhay rahin. Uu Fiji Industrial Workers Congress (jon kis aaj Fiji Trades Union Congress haihae) ke president bhi rahaa. Uu multi-racial trade union ke support karis aur trade union ke politics me part le ke virod karat rahaa.<ref> [http://books.google.com/books?id=Z2R3Nk3jUlsC&pg=PA10&lpg=PA10&dq=%22ami+chandra%22&source=web&ots=bw5YhLOo35&sig=vBCbwbF8o-07nOYlvYnRNu4tDis#PPA9,M1 Industrial associations and local politics.]</ref>

1935 me, CSR ke madat se Panditji Ba Indian Football Association suruu karis rahaa jisme 1940 taktalak chaar team league tournament me khelat rahin.<ref>M. Prasad, ''Sixty Years of Soccer in Fiji 1938 – 1998: The Official History of Fiji Football Association'', Fiji Football Association, Suva, 1998 </ref>

1947 se 1950 taktalak Panditji Legislative Council ke ek nominated member rahaa aur uu Vishnu Deo ke saathe kaam karis.

Panditji ke maut [[13 March]] [[1954]] ke Singapore me ek plane ke gir jaae se hoe gais, jab uu England jaawat rahaa British Trades Union Congress se mile. [[28 August]] [[1956]] ke, Arya Samaj ke Golden Jublee celebtation ke time uske Dayanand Medal (mare ke baad) mila. 1957 me, Tawakubu, Lautoka ke log uske yaad me ek school, Ami Chandra Memorial School, suruu karin.<ref>''Fiji Times'', 4 March 1955 </ref> Panditji ke saadi Sarvati Devi ke saathe bhais rahaa aur uske paas chaar larrkin Saroj, Jyan, Pushpa aur Om rahin. {{Cite news