Main menu ke kholo
Girmit Jahaaj British Peer
Jahaaj ke number: 20
Jahaaj ke banawat: Sailing Ship
Fiji pahuche ke taarik: 23 April 1892
Immigration pass ke number: 9979 - 10505
Jahaaj me etna girmitya rahin: 527
Jaane maane girmitya:

British Peer, ek 1428-ton garruh, 247.5 feet lamba, 36.4 feet chaurah aur 22.5 feet gahira, tiin mast waala, loha ke banaa paal waala jahaaj rahaa. Ii jahaaj ke 1865 me Belfast Ireland ke Harland and Wolff yards British Shipowners Company khatir banais rahaa. 183 me Nourse Lines ii jahaaj ke kharid liis rahaa aur ii aapan time company me sab se fast jahaaj rahaa. Jahaaj pe Catain ke alawa 22 aur lascar rahin.

British Peer, aur sab Nourse Line ke jahaaj ke rakam, girmitya logan ke dhoe ke kaam me lawa gais rahaa. 23 April 1892 me, 527 girmitya logan ke lae ke, British Peer Fiji pahucha. Dui mahina baad ii jahaaj Suriname girmitya logan ke lae gais aur September 1894 me 450 girmitya logan ke St Lucia se India lautar ke lae gais.

British Peer 1886 me girmitya logan ke lae ke South Africa gais rahaa. November 1894 ii fir se Cape of Good Hope girmitya logan ke lae ke pahucha. 8 December 1896 me ii Saldanha Bay, South Africa me ek reef ke uppar charr ke duup gais aur khali chaar logan pachin. 7 January 1897 ke Court of Inquiry dube ke kaaran Captain ke kasuur batais. British Peer ahi tak Saldanha Bay me 9 meter paani ke niche parra hae.

ReferencesBadlo