European Union

**European Union**
European Union ke official flag.
European Union ke map.

European Union (EU), Europe ke ek economic aur political union hae 27 des hae. Iske 1957 me European Economic Community (EEC) ke naam se suruukaraa gais rahaa. Ii union Europe bhar me khule se business kare mauka de hae aur huan ke log ke ek duusre ke des jaae pe koi rok nai hae. Solah des ek paisa (euro) ke kaam me laawe hae.

Itihaas

1952 me coal aur steel ke trade khatir, Germany, France, Italy, Belgium, Netherlands, aur Luxembourg European Coal and Steel Community banais rahaa.

1957 me Rome me iske badal ke European Economic Community banain.

1992 ke Treaty of Maastricht European Union ke badal ke money, justice, and foreign affairs ke bhi ek karis. Schengen Agreement se EU ke 22 member des aapan border ek duusre se khol diin jisske log ek duusre ke des bina passport nai to identity card dekhawe ek duusre ke des jaawe sake. 10 nawaa des 2004 me aur dui aur 2007 me EU join karin aur ek aur 2013 me. 2016 me United Kingdom EU se nikle ke vote karis. 2024 me, EU me 27 member des hae.

Free movement

European Union ke 27 member des ke loi jan koi bhi 27 des me, bina work permit aur visa, rahe aur kaam kare sake hae. Iske matlab hae ki France ke ek jan Greece me jaae ke rahe aur kaam kare sake hae, aur iske khaatir uske Greece ke sarkar se koi ijaajat ke jaruri nai hae.

Ek member des me banaa chij ke duusra member ke des me bina koi ijaajat aur jaada tax ke aur koi des me bejaa jaae sake hae. Iske kaaran EU ke members EU me banaa chij ke safety rules se agree kare hae. Ii kaaran se ek des me banaa chij, duusra des me bhi kaam me laae pe safe rahe hae.

Member countries

Republic of Macedonia aur Turkey "candidate des hae", ii sab ke join kare ke baare me abhi salah hoe hae. Albania, Bosnia and Herzegovina, Montenegro aur Serbia bhi kuch din me join kare mangi.