Organisation of American States
Organisation of American States (OAS English me; OEA tiin aur official bhasa me) ek international organisation hae jiske base Washington, D.C. me hae. Iske Americas ke sab 35 independent des member hae..
Organization of American States (OAS) chaar bhasa ke kaam me laawe hae: English bhasa, French bhasa, Portuguese bhasa, aur Spanish bhasa.
1889 se 1890 talak America ke kuchh des ke leader log meeting karin, jiske International Conference of American States ke naam se jaana jaawat rahaa. Ii conference, 18 des, International Union of American Republics ke suru karin.
1910 me Buenos Aires me Fourth International Conference of American States ke time iske naam badal ke Union of American Republics karaa gais. Ii des ninth International Conference of American States March aur May 1948 ke biich me Bogotá me karin aur 30 April 1948 ke 21 des ek agreement me sign karin jiske niche Organization of American States suruu karaa gais.
Suruu kare ke time iske 21 member des rahaa:
- Argentina
- Bolivia
- Brazil
- Chile
- Colombia
- Costa Rica
- Cuba
- Dominican Republic
- Ecuador
- El Salvador
- Guatemala
- Haiti
- Honduras
- Mexico
- Nicaragua
- Panama
- Paraguay
- Peru
- United States
- Uruguay
- Venezuela
OAS ke aur 14 member des hae:
- Barbados (1967 se)
- Trinidad and Tobago (1967 se)
- Jamaica (1969 se)
- Grenada (1975 se)
- Suriname (1977 se)
- Dominica (1979 se)
- Saint Lucia (1979 se)
- Antigua and Barbuda (1981 se)
- Saint Vincent and the Grenadines (1981 se)
- Bahamas (1982 se)
- Saint Kitts and Nevis (1984 se)
- Canada (1990 se)
- Belize (1991 se)
- Guyana (1991 se)