Main menu ke kholo

Wikipedia:Aaj ke featured article/November 2008

Aaj ke featured article ke archive
September 2008 - October 2008 - November 2008 - December 2008


Aaj Sombaar, 16 December, 2019 hai. Abhi ke time 02:44 hai



November 1

Fiji me pahila Hindustani ek lascar (Indian seaman) rahaa, jon ki ek jahaaj kuud ke Fiji me rahe gais. Ii lascar, jiske naam Joe rakha gais rahaa, Hibernia naam ke jahaaj ke chhorr (desert) ke Fiji me duusra aisan admii aur Australia se bhaage waala chor log ke sathe Fiji me rahaa. Ii logan ke beachcomber bolaa jaat rahaa, kahe ki ii logan Fiji aae waala jahaaj khatir bech-de-mer aur chandan batore me madat karat rahin aur Fiji ke tribes logan ke ek dusre se larre khatir madat karat rahin. Peter Dillon, 1813 me ek dal ke log jisme Dhillon, jahaaj Hunter ke lascar, beachcomber log aur Charles Savage rahin, Vanua Levu ke Wailea ke Chief ke ek larrai me madat kare gain jiske kaaran ii Chief uu logan ke chandan de ke raaji bhais rahaa. Ii larrai me duuno bagal ke dher log ke maut bhais lekin Dhillon, Lascar Joe aur tiin aur lascar jiske naam, Jonow, Hassen aur Mosden rahaaa bach gain. Larrai ke baad ii logan Bau laute ke kosis karin lekin kharaab mauam ke kaaran, jahaaj, Fiji chhorr ke north-west ke bagal chal diis aur Solomom Islands ke Tikopia island pahunch ke larai me se bacha tiin log, jisme ek Martin Buchert, Lascar Joe aur Buchert ke Kaivitni aurat rahis ke utar diis. 13 saal ke baad, Dhillon ek duusra jahaaj me Chile se India jaat rahaa jab ki uu Tikopia me ruka aur Buchart aur Lascar Joe ke fir se milaa. Buchart uske saathe India chal diis lekin Lascar Joe aapan native aurat log ke saathe wahin pe ruk gais. (aur...)

Pichhile tiin din ke featured article: Fazilka jahaajRhine jahaajArno jahaaj


viewtalkedithistory


November 2

Fiji khatir girmitya logan ke bharti kare ke kosis, Fiji ke Britain ke cede kare se pahile, kuch goraa kisan logan kare rahin. Ii logan Levuka ke British Consul se milin lekin uu logan ke maang ke nai kar dewa gais rahaa. 1870 me ek aur maang, jon ki India ke sarkar ke lage sidha bheja gais rahaa, ke bhi nai kar dewa gais. 1872 me Fiji ke Cakobau sarkar ke India ke lage girmitya logan khatir ek official maang ke bhi nai kar dewa gais ii kaaran de ke ki jab tak Fiji me British Raj nai hai tab tak huan pe girmitya logan ke nai bheja jaae sake hai.

January 1879 me, tiis aur ek (31) Hindustani logan, jon ki pahile Réunion me girmit kaate rahin, ke New Caledonia se Fiji me Taveuni me kaam kare khatir lawa gais rahaa. Ii logan girmit ke baare me janat rahin aur karraa kaam kare se inkaar kar diin jiske kaaran ii logan ke gimit ke cancel kar dewa gais rahaa. 1881 me tiis aur aath (38) Hindustani logan ke New caledonia se Fiji lawa gais rahaa aur ii logan bhi laut gain lekin thora log Fiji me rahe gain. (aur...)

Pichhile tiin din ke featured article: Fiji me pahila HindistaniFazilka jahaajRhine jahaaj


viewtalkedithistory


November 3

Leonidas

Leonidas, pahila jahaaj rahaa jisme girmitya logan ke India se Fiji lawa gais rahaa. Isse pahile ii jahaaj West Indies me girmitya log ke lai jae ke khatir kaam me lawa gais rahaa. Leonidas, 3 March 1879 ke Calcutta chorris aur 72 din baad, 15 May 1879, ke Levuka pahuchis. Jahaaj me kul jorr 498 passenger rahin jisme 273 admi, 146 aurat aur 79 larrkan rahin. Leonidas ke Calcutta chorre ke khali tiin din baad kuch girmitya log ke haeja (cholera) aur kuch ke maata (smallpox) pakarr liis aur 17 log mar gain. Fiji pahuche pe Yanuca Lailai ke quarantine station banawa gais jahan pe 15 aur log dysentery, diarrhoea aur typhoid se mar gain. (aur...)

Pichhile tiin din ke featured article: Fiji khatir girmitya logan ke bharti kare ke kosisFiji me pahila HindistaniFazilka jahaaj


viewtalkedithistory


November 4

Berar

Berar, Fiji me girmitya logan ke laae waala duusra jahaj rahaa. 29 June 1882 ke 424 girmitya log ke lai ke ii jahaj Calcutta se Fiji pahuja. Ii pahila jahaaj rahaa jon ke Nukulau ke quarantine station ke kaam me lais rahaa. Berar ke naam India ke west me ek jagah se rakha gais rahaa. Ii jahaaj 902 ton garrhu rahaa aur iske 1863 me Sunderland ke William Pile Tyser & Haviside khatir banawa gais rahaa. Fiji aae se pahile ii jahaaj ke New Zealand immigrant log ke lai jae khatir kaam me lawa jaat rahaa. 1896 me Berar, England ke coast par charr ke barbaad hoe gais. (aur...)

Pichhile tiin din ke featured article: Leonidas jahaajFiji khatir girmitya logan ke bharti kare ke kosisFiji me pahila Hindistani


viewtalkedithistory


November 5

Poonah

Poonah, girmitya log ke India se Fiji laae waala tiisra aur chautha jahaaj rahaa. Poonah, pahila dafe 17 September 1882 ke 476 girmitya log ke lae ke Fiji pahucha. Ii trip me jahaaj ke tufaan ke saamna kare ke parraa aur iske lascar crew uppar deck pe jaae se inkaar kar din rahaa aur thora baaki jahaaj duub jaata. Poonah duusra dafe 19 June 1883 ke 495 girmitya logan ke lae ke Fiji pahucha. Ii trip me jahaaj me haeja (cholera) ke bemaari faila. Ii jahaaj 1199 ton garrhu rahaa aur 1867 me Tyser & Haviside iske Sunderland ke William Pile ke khatir banais rahaa. Baad me ii jahaaj ke bech dewa gais rahaa aur iske naam badal ke Lief Drammen rakh dewa gais rahaa. (aur...)

Pichhile tiin din ke featured article: Berar jahaajLeonidas jahaajFiji khatir girmitya logan ke bharti kare ke kosis


viewtalkedithistory


November 6

Bayard

Bayard 5th jahaaj rahaa jisme girmitya logan ke India se Fiji lawa gais rahaa. Ii jahaaj 67 metre lamba aur 1,028 ton garrhu rahaa aur iske 1864 me Hall Line khatir T. Vernon and Son banais rahaa. Iske 1881 me Foley and Company ke bech dewa gais rahaa. 20 August 1883 ke Bayard 494 girmitya logan ke lae ke Suva pahuchis. Isse pahile ii jahaaj, girmitya logan ke West Indies lae jae khatir kaam me lawa jaat rahaa. Baad me ii jahaaj ke koila dhoe khatir South Georgia me kaam me lawa gais. Bayard, 6 June 1911 ke roj aapan langarr tuurr ke South Georgia island ke south me patthar per charr gae aur huan par abhi talak parraa hai. (aur...)

Pichhile tiin din ke featured article: Poonah jahaajBerar jahaajLeonidas jahaaj


viewtalkedithistory


November 7

Syria ke wreck

Syria 6th jahaaj rahaa jisme girmitya logan ke India se Fiji lawa gais rahaa, lekin Fiji me ii ek chattan pe charr gais rahaa. Syria, 13 March 1884 ke 497 girmitya logan ke lae ke Calcutta chhoris. 11 May ke, Suva se 4 mile duur ii Nasilai Reef be charr gais aur 49 log mar gain. Nasilai village ke Kaiviti logan girmitya logan ke bachae me madat karin rahaa. Baad me 11 aur logan ke ii ghatna ke experience ke kaaran mauth hoe gais. Ii Fiji ke itihass me sab se kharaab sea disaster rahaa. (aur...)

Pichhile tiin din ke featured article: Bayard jahaajPoonah jahaajBerar jahaaj


viewtalkedithistory


November 8

Howrah

Howrah 7th jahaaj rahaa jisme girmitya logan ke India se Fiji lawa gais rahaa. Syria, 13 March 1884 ke 497 girmitya logan ke lae ke Cakcutta chhoris. Ii jahaaj 26 June 1884 ke Fiji, 495 girmitya log ke lae ke pahuncha. Ii jahaaj ke naam Howrah, jon ke West Bengal me ek industrial city hai, se aais hai. Ii jahaaj loha ke banaa rahaa aur 1,098 ton garrhu rahaa. Iske 1864 me Pile Spence and Company, Sunderland me banais rahaa. Fiji aae se pahile ii jahaaj England se New Zealand ke kahtir immigrant log ke lae ke jaat rahaa aur iske West Indies me girmitya log ke lae jae ke khatir bhi kaam me lawa gais rahaa. (aur...)

Pichhile tiin din ke featured article: Syria jahaajBayard jahaajPoonah jahaaj


viewtalkedithistory


November 9

Pericles

Pericles 8th jahaaj rahaa jisme girmitya logan ke India se Fiji lawa gais rahaa. Pericles loha ke banaa 1,598 ton ke jahaaj rahaa. Fiji aae se pahile ii jahaaj London se Australia waala route me kaam me lawa jaat rahaa. Pericles 3 July 1884 me 461 girmitya log ke lai ke Suva pahuncha. Aate time jahaaj me cholera faila aur 35 jan bemaar hoe gais jisme se 20 log mar gain. 1904 me Pericles ke Norway ke bech dewa gais, aur iske dui aur time beche ke baad iske naam badal ke , 1916 me Sjurso rakha gais. Pericles ke 1923 me Kiel me tuurr ke bech dewa gais. (aur...)

Pichhile tiin din ke featured article: Hawrah jahaajSyria jahaajBayard jahaaj


viewtalkedithistory


November 10

Newnham, Fiji me girmitya log ke laae waala 9th jahaaj rahaa lekin ii pahila jahaaj rahaa jon ki bhaap ke ingin se chalat rahaa. Ii jahaaj 1,296 ton garrhu rahaa. Ii Timor Sea ke route se khali 38 roj me 23 July 1884 me Suva pahuchis. Timor Sea ke rasta se aae ke kaaran ii rahaa ki jahaaj thanda mausam ke chorr ke garam mausam waala route se Fiji aai aur kamti pneuminia aur bronchitis hoi, lekin ii jahaaj kharab se roll howat rahaa aur bahut jan ke maut hoe gais. Fiji Government paal waala jahaaj ke kaam me laae mangat rahaa kahae ki lamba trip se koi bemari ke incubate hoe ke time mile sake lekin CSR steam jahaaj mangat rahaa jisse ki Fiji pahuche waala tarik ke anumaan achchha se lagawa jae sake, girmitya log ke haal aur achchhaa rahe aur uu log Fiji me ganna kaate waala mausam khatir taiyaar rahe. (aur...)

Pichhile tiin din ke featured article: Pericles jahaajHawrah jahaajSyria jahaaj


viewtalkedithistory


November 11
Main

Main ek 1,691 ton, loha ke jahaaj rahaa jiske India se Fiji girmitya log ke laae khatir kaam me lawa gais rahaa. Ii jahaaj ke 1864 me Russel and Company, Nourse Line khatir banais rahaa. 30 April 1885 ke ii jahaaj 735 girmitya log ke lae ke Suva pahuchis. Iske baad ii jahaaj ke West Indies girmitya log ke lae jae ke khatir kamm me lawa gais. 1910 me iske Norway ke ek Company ke bech dewa gae aur iske naam badal ke Vansa rakha gais. (aur...)


Pichhile tiin din ke featured article: Newnham jahaajPericles jahaajHawrah jahaaj


viewtalkedithistory


November 12

Ganges, 11th jahaaj rahaa jisme girmitya log ke India se Fiji lawa gais rahaa. Iske baad ii dui aur dafe girmitya logan ke lae ke Fiji aais. Ii Nourse Line ke duusra jahaaj rahaa jiske naam Ganges rahaa aur iske 1882 me Sunderland ke Osbourne, Graham & Company banais rahaa. 27 June 1885 ke ii jahaaj 523 girmitya log ke lae ke pahila dafe, 3 September 1899 ke 464 girmitya logan le lae ki duusra dafe aur 21 June 1900 ke 554 girmitya logan ke lae tiisra dafe, Fiji aais. 1904 me iske Norway ke ek Company ke bech dewa gais rahaa aur iske naam badal ke Asters rakha gais. 28 May 1917 ke ii jahaaj ke ek German submaribe Sicilly ke lage dubae diis (aur...)

Pichhile tiin din ke featured article: Main jahaajNewnham jahaajPericles jahaaj


viewtalkedithistory


November 13

Boyne, 12th jahaaj rahaa jisme girmitya logan ke India se Fiji lawa gais rahaa. Ii jahaaj 1,403 ton garrhu rahaa, iske 1877 me banawa gais rahaa aur iske owner Nourse Line rahaa. Suruu me ii jahaaj ke New Zealand immigrant log ke lae jae khatir kaam me lawa jaat rahaa. 1882 me, Boyne, jab West Indies jaat rahaa, tab ek tufaan me fas gais aur ulte waala rahaa. Uske lascar aur captain uske chorr ke bhaag gain lekin jahaaj nai duuba. Iske baad, jahaaj ke fir se banae ke West Indies me girmitya logan ke lae jaae khatir kaam me lawa jaat rahaa. 26 April 1886 ke roj ii jahaaj 537 girmitya logan ke lae ke Calcutta se Suva pahuchis, lekin India laute ke time ii chattan pe charr ke duub gais. (aur...)

Pichhile tiin din ke featured article: Ganges jahaajMain jahaajNewnham jahaaj


viewtalkedithistory


November 14

Boyne, 12th jahaaj rahaa jisme girmitya logan ke India se Fiji lawa gais rahaa. Ii jahaaj 1,403 ton garrhu rahaa, iske 1877 me banawa gais rahaa aur iske owner Nourse Line rahaa. Suruu me ii jahaaj ke New Zealand immigrant log ke lae jae khatir kaam me lawa jaat rahaa. 1882 me, Boyne, jab West Indies jaat rahaa, tab ek tufaan me fas gais aur ulte waala rahaa. Uske lascar aur captain uske chorr ke bhaag gain lekin jahaaj nai duuba. Iske baad, jahaaj ke fir se banae ke West Indies me girmitya logan ke lae jaae khatir kaam me lawa jaat rahaa. 26 April 1886 ke roj ii jahaaj 537 girmitya logan ke lae ke Calcutta se Suva pahuchis, lekin India laute ke time ii chattan pe charr ke duub gais. (aur...)

Pichhile tiin din ke featured article: Newnham jahaajGanges jahaajMain jahaaj


viewtalkedithistory


November 15

Bruce, 13th jahaaj rahaa jisme girmitya logan ke lae ke India se Fiji lawa gais rahaa. Ii ek 1,200 ton garrhu, ke paal waala jahaaj rahaa jiske 1866 me Glasgow ke Aitken Mansell banais rahaa. 1880 me iske Nourse Line kharid liis rahaa. 21 May 1886 ke Bruce 458 girmitya logan ke lae ke Fiji pahucha. Iske baad ii jahaaj ke West Indies me girmitya logan ke lae jae khatir kaam me lawa gais rahaa. 18 February 1891 ke ii jahaaj New York harbour me duub gais rahaa, aur iske nikaal ke koila ke godaam khatir kaam me lawa gais rahaa. (aur...)

Pichhile tiin din ke featured article: Boyne jahaajNewnham jahaajGanges jahaaj


viewtalkedithistory


November 16

Hereford Jahaaj

Hereford 14th jahaaj rahaa jisme gimitya log ke lae ke India se Fiji lawa gais rahaa. Iske baad ii jahaaj dui aur dafe Fiji aais. Ii jahaaj 1510 ton garrhu aur loha ke banaa, paal waala jahaaj rahaa jiske 1869 me Glasgow ke J. Elder & Company, Merchant Shipping Company of London khatir banais rahaa. Suruu me iske New Zealand nawa immigrant logan ke lae jaae khaatir kaam me lawa gais rahaa. 1882 me ii jahaaj ke Nourse Line kharid liis aur iske West Indies girmitya logan ke lae jaae khatir kaam me lawa gais. Ii jahaaj Fiji pahila dafe 24 April 1888 ke 539 girmitya logan ke lae ke, duusra dafe 15 June 1892 ke 479 girmitya logan ke lae ke aur tiisra dafe, 28 June 1894 ke, 511 girmitya logan ke lae ke aais. 1898 me Hereford ke Norway ke ek Company ke bech dewa giais aur 1907 me ii Argentina ke nangich ek chattan pe charr ke duub gais. (aur...)

Pichhile tiin din ke featured article: Bruce jahaajBoyne jahaajNewnham jahaaj


viewtalkedithistory


November 17

Moy jahaaj

Moy, 15th jahaaj rahaa jisme girmitya logan ke India se Fiji lawa gais rahaa. Ii jahaaj 1,697 ton garrhu aur loha ke banaa, paal waala jahaaj rahaa jiske 1885 me Russel & Company, Nourse Line khatir banais rahaa. 3 May 1889 ke Moy, 677 girmitya logan ke lae ke pahila dafe, 14 April 1893 ke 467 girmitya logan ke lae ke duusra daf aur 1 June 1898 ke 568 girmitya logan ke lae ke tiisra dafe Fiji pahucha. Iske baad ii jahaaj West Indies girmitya logan ke lae ke gais. Iske girmitya logan ke West Indies se India lautaare khatir bhi kaam me lawa gais rahaa. 1905 me jab ii jahaaj Guiana se lautat rahaa tab ii samundar me herae gais. (aur...)

Pichhile tiin din ke featured article: Hereford jahaajBruce jahaajBoyne jahaaj


viewtalkedithistory


November 18

Rhone jahaaj

Rhone, 16th jahaaj rahaa jisme girmitya logan ke India se Fiji lawa gais rahaa. Iske naam pahile Gilroy rahaa. Ii ek 1,768 ton garrhu, loha ke banaa, paal waala jahaaj rahaa jiske 1875 me Glasgow, Scotland ke John Elder, Dundee ke Gilroy, Sons & Company khatir banais rahaa. 1889 me iske Nourse Line karid ke iske naam Rhone rakkhis. Iske jaada kar ke girmitya logan ke dhoe khatir kaam me lawa jaat rahaa. 15 May 1890 ke Rhone 585 girmitya logan ke lae ke, pahila dafe aur 11 May 1897 ke 653 girmitya logan ke lae ke duusra dafe Fiji pahucha. Iske baad ii West Inidies girmitya logan ke lae gais. Iske Girmitya logan ke West Indies se lautaar ke India lawe khatir bhi kaam me lawa gais rahaa. 1905 me iske Norway ke ek Company ke bech dewa gais aur iske naam badal ke Dybvaag rakkhaa gais rahaa. (aur...)

Pichhile tiin din ke featured article: Moy jahaajHereford jahaajBruce jahaaj


viewtalkedithistory


November 19

Allanshaw, 17th jahaaj rahaa jisme girmitya logan ke India se Fiji lawa gais rahaa. Ii ek 1,589 ton garrhu, loha ke banaa, paal waala jahaaj rahaa jiske 1874 me William Simons & Company, Liverpool ke J.G. Potter & Company ke khatir banais rahaa. 1880 me iske Nourse Line kharid liis rahaa. Iske jaada kar ke girmitya logan ke dhoe khatir kaam me lawa jaat rahaa. 17 June 1890 me Allanshaw, 573 girmitya logan ke lae ke Fiji pahucha. Iske West Indies bhi girmitya logan ke lae jaae khatir kaam me lawa gais raha. 1890 me ii jahaaj duub gais. (aur...)

Pichhile tiin din ke featured article: Rhone jahaajMoy jahaajHereford jahaaj


viewtalkedithistory


November 20

Danube, 18th jahaaj rahaa jisme girmitya logan ke India se Fiji lawa gais rahaa. Ii ek 1,459 ton garrhu paal waala jahaaj rahaa jiske 1890 me Nourse Line khatir banawa gais rahaa. Iske naam Europe ke ek lamba naddi se aais hai. 15 June 1891 ke ii jahaaj 591 girmitya logan ke lae ke Fiji aais. Iske Trinidad bhi gimitya logan ke lae jaae khatir kaam me lawa gais rahaa. 1892 me, Danube, New York jaate time herae gais. (aur...)

Pichhile tiin din ke featured article: Allanshaw jahaajRhone jahaajMoy jahaaj


viewtalkedithistory


November 21

Jumna, 19th jahaaj rahaa jisme girmitya logan ke India se Fiji lawa gais rahaa. Ii jahaaj 1,048 ton garrhu aur loha ke banaa, paal waala jahaaj rahaa jiske 1867 me Sunderland ke William Pile, Nourse Line khatir banais rahaa. Ii jahaaj ke jaada kar ke girmitya logan ke dhoe ke kaam me lawa jaat rahaa. 27 June 1891 ke ii jahaaj pahila dafe 447 girmitya logan ke lae ke, aur 23 May 1893 ke, duusra dafe, 310 girmitya logan lae ke Fiji aais. 1898 me iske Norway ke ek Company ke bech dewa gais rahaa. (aur...)

Pichhile tiin din ke featured article: Danube jahaajAllanshaw jahaajRhone jahaaj


viewtalkedithistory


November 22

British Peer, 20th jahaaj rahaa jisme girmitya logan ke India se Fiji lawa gais rahaa. Ii jahaaj 1428-ton garrhu, 247.5 feet lamba, 36.4 feet chaurah aur 22.5 feet gahira, tiin mast waala, loha ke banaa paal waala jahaaj rahaa. Ii jahaaj ke 1865 me Belfast, Ireland ke Harland and Wolff yards, British Shipowners Company khatir banais rahaa. 1883 me Nourse Lines ii jahaaj ke kharid liis rahaa. Jahaaj pe Catain ke saathe 22 aur lascar rahin. British Peer, 23 April 1892 ke, 527 girmitya logan ke lae ke, Fiji aais. Dui mahina baad ii jahaaj Suriname girmitya logan ke lae gais aur September 1894 me 450 girmitya logan ke St Lucia se India lautar ke lae gais. 1886 me ii girmitya logan ke lae ke South Africa gais rahaa. November 1894 me ii fir se Cape of Good Hope girmitya logan ke lae ke pahucha. 8 December 1896 ke roj ii Saldanha Bay, South Africa me ek reef ke uppar charr ke duub gais aur khali chaar logan bachin. 7 January 1897 ke Court of Inquiry dube ke kaaran Captain ke kasuur batais. British Peer ahi tak Saldanha Bay me 9 meter paani ke niche parra hai. (aur...) Pichhile tiin din ke featured article: Jumna jahaajDanube jahaajAllanshaw jahaaj


viewtalkedithistory


November 23

Avon jahaaj

Avon, 21st jahaaj rahaa jisme girmitya logan ke India se Fiji lawa gais rahaa. Iske naam pahile Dunolly rahaa. Ii jahaaj 1,572 ton garrhu, loha ke pbanaa, paal waala jahaaj rahaa. Ii jahaaj 255.6 feet lamba, 37.6 feet chaurra aur 22.6 feet gahira rahaa. Iske 1884 me Glasgow ke Charles Connell, John Brown khatir banais rahaa. Nourse Line, Avon ke 1890 me kharid liis aur iske naam badal ke River Avon ke naam rakhaa gais. Iske jaada kar ke girmitya logan ke colonies me lae jaawe khatir kaam me lawa jaat raha. Avon, 5 May 1892 ke 520 girmitya logan ke lae ke pahila dafe aur 25 July 1899 ke 467 girmitya logan ke lae ke duusra dafe Fiji aais. (aur...)

Pichhile tiin din ke featured article: British Peer jahaajJumna jahaajDanube jahaaj


viewtalkedithistory


November 24

Arno, 38th jahaaj rahaa jisme girmitya logan ke India se Fiji lawa gais rahaa. Ii jahaaj 1,825 ton garrhu, loha ke banaa aur paal waala jahaaj rahaa. Iske lambai 270.7 feet, chaurrai 39 feet aur gahirai 22.5 feet rahaa aur iske 19 January 1893 ke launch karaa gais rahaa. Iske Glasgow ke Charles Connell & Company, Nourse Line khatir banais rahaa. Iske jaada kar ke British colony me girmitya logan ke lae jae khatir kaam me lawa jaat rahaa. Ii pahila dafe 23 July 1900 ke, 627 girmitya logan ke lae ke, duusra dafe 4 September 1903 ke, 634 girmitya logan ke lae ke aur tiisra dafe 3 May 1904 ke, 634 girmitya logan ke lae ke Fiji aais. 1896 me ii jahaaj West Hartlepool me chattan ke uppar charr gais rahaa. Arno ke 1910 me Norway ke ek Company ke bech dewa gais rahaa. 10 October 1913 ke ii jahaaj Fredrikstad se Pernambuco ke trip me herae gais. (aur...)

Pichhile tiin din ke featured article: Avon jahaajBritish Peer jahaajJumna jahaaj


viewtalkedithistory


November 25

Avon jahaaj

Rhine, 39th jahaaj rahaa jisme girmitya logan ke India se Fiji lawa gais rahaa. Ii jahaaj 1,691 ton garrhu, loha ke banaa paal aala jahaaj rahaa jiske Port Glasgow ke Russel & Company, Nourse Line khatir banais rahaa aur jiske 10 December 1885 ke launch karaa gais rahaa. Ii jahaaj 257.2 lamba, 38.3 feet chaurra aur 23.1 feet gahiraa rahaa aur iske naam Germany ke Rhine Naddi se aais hai. Iske jaada kar ke girmitya logan ke British colonies me lae jae khatir kaam me lawa jaat rahaa. 30 August 1900 ke Rhine 491 girmitya logan ke lae ke Fiji aais rahaa. (aur...)

Pichhile tiin din ke featured article: Arno jahaajAvon jahaajBritish Peer jahaaj


viewtalkedithistory


November 26

Fazilka jahaaj

Fazilka, 40th jahaaj rahaa jisme girmitya logan ke India se Fiji lawa gais rahaa. Ii jahaaj 4,152 ton garrhu bhaap waala jahaaj (steamship) rahaa jiske lambai 366 feet, chaurrai 48.2 feet aur gahiarai 26.5 feet rahaa. Iske William Doxford and Sons, British-India Steam Navigation Company (B.I.S.N.) khatir 1890 me banais rahaa. Iske engine 462 nhp ke rahaa aur ii 12.5 knots ke speed pe chale sakat rahaa. Iske naam North India ke ek town se aais hai. Ii jahaaj 28 March 1901 ke 804 girmitya logan ke lae ke pahila dafe Fiji aais. Iske baad ii paanch dafe aur Fiji aais. Ii jahaaj 1904 me immigrants log ke lae ke London se Brisbane aais rahaa lekin iske jaada kar ke girmitya logan ke British colonies me lae jae khatir kaam melawa jaat rahaa. Boer War ke time iske soldier logan ke India se South Africa lae jae khatir kaam me lawa gais rahaa. 1919 me Nicobar Island ke lage ii jahaaj duub gais (aur...)

Pichhile tiin din ke featured article: Rhine jahaajArno jahaajAvon jahaaj


viewtalkedithistory


November 27

Ems jahaaj

Ems, 25th jahaaj rahaa jisme girmitya logan ke India se Fiji lawa gais rahaa. Ii ek 1,829 ton loha ke banaa, paal waala jahaaj rahaa. Ii 270.7 feet lamba, 39 feet chaurra aur 22.5 feet gahira rahaa. Iske 1893 me Glasgow ke Charles Connell & Company, Nourse Line khatir banais rahaa. Iske jaada kar ke Hindustani girmitya logan ke British colonies me dhoe khatir kaam me lawa jaat rahaaa. 20 April 1894 ke Ems, 570 girmitya logan ke lae ke pahila dafe aur 30 July 1904 ke, 525 girmitya logan ke lae ke duusra dafe Fiji aais. 1898 me ii jahaaj Bristol se Calcutta 87 din me pahucha aur 1902 me New York se Calcutta 102 din me pahucha. 1910 me Ems ke Norway ke Tonsberg Whaling Company ke bech dewa gais rahaa aur 1916 iske fir se Argentine Whaling Company ke becha gais aur naam badal ke Fortuna rakha gais. 28 October 1927 me isme aagi lag gais aur iske Ireland ke lage chhorr dewa gais.(aur...)

Pichhile tiin din ke featured article: Fazilka jahaajRhine jahaajArno jahaaj


viewtalkedithistory


November 28

S.S. Vadala, 27th jahaaj rahaa jisme girmitya logan ke India se Fiji lawa gais rahaa. Ii ek 3,334-ton garrhu, bhaap ke ingin waala jahaaj rahaa. Ii 340 feet lamba, 3.1 feet chaurra, aur 26 gahira rahaa. Iske Dumbarton ke William Denny and Company, British-India Steam Navigation Company (B.I.S.N.) khatir 1890 me banais rahaa. Iske paas quadruple expansion, 315 nhp, steam engines rahaa aur ii telemotor steering gear use karat rahaa. Ii ek passenger aur cargo jahaaj rahaa jiske Hindustani indentured labourers logan ke colonies me lae jae khatir kaam me lawa jaat rahaa. 26 March 1895 ke S.S. Vadala, 747 girmitya logan ke lae ke Fiji pahucha. Ii trip me jahaaj kharaab se hiilis aur Surgeon-Superintendent complain karis ki uske passenger log sab bagal bigaat rahin. 1913 me iske Japan ke Inui Gomei Kaisha ke bech dewa gais aur iske naam badal ke KENKON MARU No.12 rakha gais. 30 May 1928, ke ii Chinese ship S.S. HWACHAN se dhakka maar ke Tsingtao se 140 miles East South East me duub gais.(aur...)

Pichhile tiin din ke featured article: Ems jahaajFazilka jahaajRhine jahaaj


viewtalkedithistory


November 29

S.S. Virawa, 28th jahaaj rahaa jisme girmitya logan ke India se Fiji lawa gais rahaa. Ii ek 3,334-ton garrhu, bhaap ke ingin waala jahaaj rahaa. Iske British-India Steam Navigation Company (BISN) khatir 1890 me banawa gais rahaa aur isme telemotor steering gear rahaa. Virawa, ek cargo dhoe waala jahaaj rahaa jiske girmitya logan ke colonies lae jae khatir bhi kaam me lawa jaat rahaa. 26 April 1895 ke ii jahaaj 677 girmitya logan ke lae ke pahila dafe, 26 April 1902 ke 618 girmitya logan ke lae ke duusra dafe, 17 July 1905 ke 614 girmitya logan ke lae ke tiisra dafe aur 23 March 1907 ke, 758 girmitya logan ke lae ke chautha dafe Fiji aais. Iske 1921 me Bombay me tuurr dewa gais. (aur...)

Pichhile tiin din ke featured article: Vadala jahaajEms jahaajFazilka jahaaj


viewtalkedithistory


November 30

Erne, 29th jahaaj rahaa jisme giemitya logan ke India se Fiji lawa gais rahaa. Ii ek 1,692 ton garrhu, 255.6 feet lamba, 38.3 feet chaurrra aur 23.2 feet gahira, loha ke banaa paal waala jahaaj rahaa. Iske Glagow kw Russel & Company, Nourse Line khatir banais rahaa. Iske jaada kar ke girmitya logan ke colony lae jaae khatir kaam me lawa jaat rahaa. 24 April 1896 ke Ernie, 557 girmitya logan ke lae ke Fiji aais. Iske baad me bech dewa gais rahaa. 1912 me ii jahaaj, Boston se Buenos Aires jaate ke time duub gais aur 19 log ke maut hoe gais. (aur...)

Pichhile tiin din ke featured article: Virawa jahaajVadala jahaajEms jahaaj


viewtalkedithistory


Aaj ke featured article ke archive
September 2008 - October 2008 - November 2008 - December 2008


Aaj Sombaar, 16 December, 2019 hai. Abhi ke time 02:44 hai