Atlantic Ocean
Atlantic Ocean ek khara paani ke barraa jagha hae jiske
- west me the Americas aur Pacific Ocean ke ek hissa hae,
- east me Europe, Africa, aur Indian Ocean hae,
- north me Arctic Ocean, aur
- south me Southern Ocean hae.
| Dunia ke ocean |
|---|
|
|
Scientist log batae hae ki million saal pahile khaali ek ocean rahaa, aur jaada kar ke jamin saathe jurra rahaaa jahan pe abhi Atlantic Ocean hae. Dhire dhire ii fat ke kuch tukrra me oe gais. Dire dire ii faarr me paani bhar gais.
Jagha
badlo
Atlantic Ocean ke west me North America aur South America hae. Ii Denmark Strait, Greenland Sea, Norwegian Sea aur Barents Sea se jaae ke Arctic Ocean se mile hae. Iske east me Europe hae aur ii Strait of Gibraltar se Mediterranean Sea – se mile hae.
Southeast me Atlantic, Indian Ocean se mile hae. 20° East meridian, jon ki Cape Agulhas se Antarctica talak south me jaawe hae, iske border hae. Kuchh authorities iske south me Antarctica talak dekhae hae, jabki duusra authority iske dekhae hae ki ii 60° parallel pe Southern Ocean se mile hae.[1]
Southwest me, the Drake Passage iske Pacific Ocean se jorre hae. Admii ka banawa gais, Panama Canal Atlantic aur Pacific Ocean ke jorre hae. Uppar bataawa gais ke alaawa aur barraa bodies of water Atlantic ke bagal me hae; the Caribbean Sea; the Gulf of Mexico; Hudson Bay; the Arctic Ocean; the Mediterranean Sea; the North Sea; the Baltic Sea aur the Celtic Sea.
Atlantic, dunia ke lagbhag 22% surface ke cover kare hae, aur Atlantic Pacific Ocean ke baad duusra sab se barraa Ocean hae. Bagal ke samundar ke saate iske area lagbhag 106,400,000 square kilometres (41,100,000 sq mi) hae; bina ii sab samundar ke, iske area lagbhag 82,400,000 square kilometres (31,800,000 sq mi) hae. Jon jamiiin me se naddi Atlantic Ocean me nikle hae, ke area Pacific aur Indian Ocean se chaar guna jaada hae. Atlantic Ocean aur uske bagal ke samundar me 354,700,000 cubic kilometers (85,100,000 cu mi) paani hae aur bina ii samundar ke 323,600,000 cubic kilometres (77,640,000 cu mi).
Atlantic Ocean ke average gahiraai, bagal ke samundar ke saathe 3,339 metres (10,955 ft) hae; bagal ke samundar ke bina 3,926 metres (12,881 ft) hae. Sab se jaada gahiraai, Milwaukee Deep 8,380 metres (27,490 ft) hae, Puerto Rico Trench me hae. Atlantic Ocean ke chaurrai 2,848 kilometres (1,770 mi) Brazil aur Sierra Leone ke biich me se 6,400 km (4,000 mi) jaada south me., April 2011