Iraq

Republic of Iraq; الجمهورية العراقية (Al-Jumhuriyah Al-Iraqiyah)
Jhanda	Coat of arms
Des ke jaankari
Des ke motto:	الله أكبر translation: "God is Great"
National anthem:	Mautinii
Log ke baare me
Official bhasa:	Arabic
	Abaadi:
- Total:	{{{populationtotal}}}
Jagha
	country map Hian pe des ke dunia ke map me dekhawa jaawe hae.
Capital City:	Baghdad
Sab se barraa City:	Baghdad
	Area
- Total:	437,072 (ranked 57)
- Water:	? km² (1.1%)
Politics / Government
Established:	October 1, 1919 from the Ottoman Empire.; October 3, 1932 from the British
Leader:	President Jalal El-Talabani, Prime Minister Noori El-Malikki
Economy / Money
Paisa ke naam:	Iraqi dinar (IQD)
International information
Time ke zone:	+3
Telephone ke dialing code:	964
Internet domain:	IQ

Republic of Iraq southwestern Asia ke ek Middle Eastern des hae. Iske border south me Saudi Arabia aur Kuwait, north me Turkey, north-west me Syria, west me Jordan aur east me Iran hae. Iraq ke capital Baghdad hae.

Politics

1968 se 2003 talak, Iraq me Ba'ath Party raaj karta rahaa. Saddam Hussein, 1979 se President rahaa ja talak Ba'ath Party ke khatam nai kar dewa gais. Ii time pe uu dher log ke jaan se marwae diis jiske uu like nai karat rahaa. Uu Iran ke bhi invade karis rahaa.

1990, Iraq, Kuwait ke invade kar ke aapan niche kar liis. Dher des jisme United States, United Kingdom, Saudi Arabia, France, Italy, Pakistan larrai kar ke Kuwait ke ajaad karin.

March 2003, me United States, British, Australian, Danish aur Polish forces log Iraq ke invade kar ke Ba'ath Party ke surrender karwae diin. Uppar se invade kare ke kaaran rahaa ki United Nations ike nspectors log nuclear, biological, aur chemical weapons ke khoje sake. Pahile, Iraq chemical weapons se Kurdish log ke maris rahaa.

Suruu me des ke tiin zone me baata gais rahaa, American zone, British zone, aur Polish zone jaise ki Germany ke 1945 me baata gais rahaa. Ek nawaa temporary government ke 28 June, 2004 me form karaa gais rahaa, lekin abhi talak coalition forces des me hae. Ghazi A. El-Yawer ii temporary government ke President hae.

Ii des ke dharmik gut jisme Shia, Sunni]] Muslim aur Christian log bhi hae, ke kaaran des me dher instability hae aur ii kaaran se kuch log bole hae ki des me civil war hae.

Geography

Iraq ke province

Ii des dui naddi, Euphrates aur Tigris, ke biich me hae aur ii kaaran se iske purana time me Mesopotamia bola jawat rahaa. Iraq ke lage ek chhota coastline Persian Gulf se hae. Hian ke mausam bahut garam aur jhuura hae. =

Iraq ke18 provinces (muhafazah) me baata gais hae.

Baghdād (بغداد)
Salāh ad-Dīn (صلاح الدين)
Diyālā (ديالى)
Wāsit (واسط)
Maysān (ميسان)
Al-Basrah (البصرة)
Dhī Qār (ذي قار)
Al-Muthannā (المثنى)
Al-Qādisiyyah (القادسية)

Bābil (بابل)
Al-Karbalā' (كربلاء)
An-Najaf (النجف)
Al-Anbar (الأنبار)
Nīnawā (نينوى)
Dahūk (دهوك)
Arbīl (أربيل)
Kirkuk (كركوك)
As-Sulaymāniyyah (السليمانية)

Economy

Iraq me dher tel hae aur hian pe dunia ke chutha sab se barraa petroleum deposit hae. Pahile Irag dher des ke tel bechat rahaa. 1990 me jab Irag, Kuwait ke invade karis tab United Nations Iraq se tel ke import pe ban lagae diis. Baad me United Nations Iraq ke tel bech ke food, kaprraa, aur dawai karide ke allow karis aur iske "Oil-for-Food" program bola jawat rahaa.

Chapa ke gallery

Euphrates Naddi ke lage
Iraqi larrkan
President Talabani
Saddam Hussein ke monument