Main menu ke kholo
Champion versus Champion
Flag of Fiji.svg FFALogo.jpg
Number: 17
Jagha: Govind Park, Ba
Tarik: 21 February 2009
7 March 2009
Winner: Ba
Runner-up: Lautoka
Goals: Pahila khel: Ba 1 - Lautoka 0
Duusra khel: Ba 4 - Lautoka 2
Goal banae waala: Pahila khel: Osea Vakatalesau
Duusra khel: Ba - Josaia Bukalidi (2), Peni Finau, Tuimasi Manuca
Lautoka: Marika Madigi, Jone Vono

Fiji me football (soccer) ke 17th Champion versus Champion (CVC) series, jiske Pillay Garments sponsor karis rahaa, Ba aur Lautoka ke biich me khela gais rahaa. Duuno khel Ba ke Govind Park me khela gais rahaa. Waise ii champioship ke home and away ke system se khela jaawe hae lekin ii saal, Lautoka ke Churchill Park ready nai rahe ke kaaran duuno khel ke Govind Park me khela gais.

file:GovindPark.jpg
Ba ke Govind Park

Pahila khel, jon ki Sanichar, 21 February 2009 ke khela gais, me Ba, Lautoka ke 1-0 se harais. Goal banae waala rahaa Ba ke captain, Osea Vakatalesau.

Duusra khel bhi Govind Park me khela gais, Sanichar, 7 March 2009 ke. Ii khel me Lautoka ke championship jiite khatir dui goal se jiite ke rahaa, lekin Ba 4-2 se jiit ke fir se champion banaa. Duuno team rahaa:

Ba - Jone Ralulu, Malakai Kainahewe, Avinesh Suwamy, Jone Vesikula, Peni Finau, Joshua Wilson, Ronil Kumar, Petero Dauniseka, Ronald Lawrence, Shameel Rao, Shalen Lal, Josaia Bukalidi, Tuimasi Manuca, Osea Vakatalesau
Lautoka - Laisenia Tuba, Apisai Smith, Malakai Waqa, Kamal Hassan, Samuela Kautoga, Samuela Vula, Marika Madigi, Leone Vurukania, Isimeli Naresia, Mitieli Namuka, Keni Doidoi, Arvindra Naidu, Valerio Nawatu, Jone Vono.

Goal banae waala rahin, Ba ke taraf se Josaia Bukalidi (3 min aur 44 min), Peni Finau (13 min), Tuimasi Manuca (81 min). Lautoka ke taraf se Marika Madigi (53 min), aur Jone Vono (58 min). Ba ke Shameel Rao man of the match rahaa. 5000 se jaada log ii khel ke dekhin jiske Leone Rakoroi refree karis rahaa.

Championship jiite ke khatir Ba ke $3000 aur Lautoka ke $1000 prize me paisa milaa. Ii Ba khatir 15th CVC me jiit rahaa.

ReferencesBadlo