Main menu ke kholo

Inter-District Championship (Fiji) 1958

Fiji me football (soccer) ke 21st Inter-district Championship (IDC), 3 August aur 4 August 1958 me Suva ke Albert Park me khela gais rahaa. Fiji ke Governor, Sir Ronald Garvey, ii IDC ke open karis jisse pahile Fiji Indian Football Association ke 21st anniversary celebrate karaa gais.

Inter-District Championship (Fiji) 1958
Fiji Football Association ke logo
Khel ke jankari
Home team  Suva
Tarik 3, 4 August
Ground Albert Park (in Suva host cities)
Aakhri natija
Champions  Lautoka (7th title)
Runner-up  Suva
Tournament ke ankrra
Achchhaa khilaarri Chandar Bhan Singh, Nur Mohammed (Lautoka)

Pahila round

 
Rewa ke Shaheed Mohammed
 
Lautoka ke Augustine Thoman
 
Ba ke Mira Sami

Pahila round jiske etwaar, 3 August ke khela gais rahaa me Nadi aur Tailevu Naitasiri 0-0 se draw rahin. Ii game ke baad me fir se khela gais jisme Nadi 2-1 se jiit gais. Tavua, Tailevu North ke 4-0 se harais, Rakiraki, Ba ke 3-0 se harais, Suva, Rewa ke 4-1 se harais, Labasa, Navua ke 3-1 se harais aur Taveuni, Nadroga ke 1-0 se harais.

Dusra round

Dusra round jiske sombaar, 4 August ke khela gais rahaa me Nadi, Levuka ke 2-1 se harais, Rakiraki, Tavua ke 2-1 se harais, Lautoka, Labasa ke 7-1 se harais aur Suva, Taveuni ke 4-0 se harais.

Semi final

Semi finals me Lautoka, Nadi ke 4-1 se harais aur Suva, Rakiraki ke 4-2 se harais.

Final

Final ke game Lautoka aur Suva ke biich me bhais. Pahila goal Lautoka ke Reddy banais, lekin thorra deri baad Suva ke Kesho ek goal banae ke game ke baraabar kar liis. Tiisra extra time me Lautoka ke Nur Mohammed ek goal banae ke Lautoka ke jitae diis. Ii rakam se Lautoka Lloyd Farebrother Trophy ke 7th time jiitis. Lautoka ke captain rahaa Chandra Bhan Singh aur jiite waala goal banae waala rahaa Krishna Reddy. Trophy ke Suva ke mayor, A. Leys present karis rahaa.

References

Aur dekho