Main menu ke kholo

Inter-District Championship (Fiji) 1955

Fiji me football (soccer) ke 18th Inter-district Championship (IDC), Bank Holiday ke time, etwaar 31 July aur sombaar 1 August 1955 me Ba ke Rarawai Ground me khela gais rahaa. Dui saal ke baad ii IDC me Labasa aur Taveuni fir se khelin aur ek nawaa team aur Tailevu North pahila dafe IDC me khelis. Ii IDC me gyarah team hissa liin rahaa.

Inter-District Championship (Fiji) 1955
Fiji Football Association ke logo
Khel ke jankari
Home team  Ba
Tarik 31 July, 1 August
Ground Rarawai Ground (in Ba host cities)
Aakhri natija
Champions  Rewa (6th title)
Runner-up  Lautoka
Tournament ke ankrra
Achchhaa khilaarri Kuar Battan Singh (Rewa)

vishay suchi

Pahila round

 
Rewa ke Shaheed Mohammed
 
Lautoka ke Augustine Thoman
 
Ba ke Mira Sami

Pahila round, jon ki etwaar ke khela gais rahaa me Lautoka, Nadi ke 5-1 se harais (referee: H.P. Sharma), Suva, Nadroga ke 6-1 se haraie (referee: S. N. Sharma) aur Ba, Tailevu ke 10-0 se harais (referee:Mohammed Ishaq). Rewa aur Naitasiri ke game nai hoe sakaa kahe ki Naitasiri championship me nai pahuche sakis.

Duusra round

Duusra round, jon ki etwaar ke khela gais rahaa me Lautoka, Tavua ke 4-0 se harais (referee:Gulab Khan), Ba, Navua ke 1-0 se harais (referee: Hari Pal), Labasa, Rakiraki ke 3-0 se harais (referee: J.K. Gopal) aur Rewa, Suva ke 3-2 se harais (referee:S.M. Singh.

Semi final

Semi finals me Rewa, Labasa ke 4-0 se harais (referee:H.P. Sharma) aur Lautoka, Ba ke 3-1 se harais (referee: Gulab Khan).

Final

Final ke game Rewa aur Lautoka ke biich me bhais aur Rewa, Lautoka ke 2-1 se harae ke Lloyd Farebrother Trophy ke 6th time jiitis. Rewa ke Kuar Battan Singh achchha khel dekhaes. Ii game ke referee rahaa S.M. Singh aur Ba ke District Officer, Mr Hill, trophy ke present karis rahaa.

References

Aur dekho