Main menu ke kholo

M Narainswamy Naidu, jiske jaada kar ke M. N. Naidu ke naam se jaana jaawe hae, ek South Indian businessman, samaj sewak aur Fiji me Sangam suruu kare waala ek jan rahaa.

M. Narainswamy Naidu
M. N. Naidu
M. N. Naidu
Janam Tenkasi, Triuneleveli, Madras, India
Nationality Fiji citizen
Jaati Hindustani
Citizen Fiji citizen
Kaahe jaana jaae hae Fiji me South Indians ke leader.
businessman
Dharam Hindu

Jawani ke dinBadlo

Uu India ke Triuneleveli district ke Tenkasi gaon me paida bhais rahaa. UU 1907 me girmit me Fiji aais rahaa aur uske Labasa bheja gais rahaa. Kahe ke uu Fiji ke South Indian samaj ke thora jan me se ek rahaa jon ki parrhe likhe sakat rahaa, uu log ke chitthi likhe me madat karat rahaa aur kuch din me uske South Indian logan aapan neta maane lagin rahaa. Uu aapan samaj khatir plays bhi karwais rahaa.

Samaj SewaBadlo

1914 me uu Lautoka gais aur aapan busines suru karis. Kuchh din me uske lage Nadi se lae ke Ba district, Fiji talak duukan rahaa 1920s ke suruu me uu Namoli, Lautoka me ek Naidu School banais rahaa, jiske master me Pandit Vishnu Deo bhi rahaa.

26 May 1926 me jab Then India Sanmarga Ikya Sangam of Fiji ke suruwaat bhais rahaa tab Naidu ke uske ek Vice-President chuna gais rahaa. Uu Sadhu Kuppuswamy ke saathe kam karis hae aur uske ii kaam ke khatir Dhanaveer ke upadhi dewa gis rahaa. 1926 me uske Lovu Sangam School ke mamager banawa gais rahaa. Uu Nadi me el library bhi banais rahaa. Uu Rama Krishna Mission ke saathe bhi kaam karis hae aur uske Swamy Avinashananda aur Swamy Rudrananda ke Fiji laawe me bhi haanth rahaa.

Opponent of Nomination SystemBadlo

1934 me jab Governor Fletcher ii batais ki Fiji ke Legislative Council me South Indian logan nominated member maange hae, tab Naidu, duusra South Indian neta logan ke saathe,meetinf organise kar ke Governor ke lage petition bhej ke nomination system ke virod karin.[1]

Opposition to Kisan SanghBadlo

1937 me jab Kisan Sangh, South Indian log ke ii ganna ke kisan ke union me join kare ke kosis karis, tab Naidu aur duusra South Indian neta log ke saathe South Indian kisan ke ii batais ki uu logan ke aapan sanskriti aur sikchha me dhyan de ke chaahi.[2]

ReferencesBadlo

  1. K. L. Gillion, Fiji Indians:Challenge to European dominance 1920 - 1946, Australian NAtional University Press, canberra, 1977, p.152
  2. K. L. Gillion, Fiji Indians:Challenge to European dominance 1920 - 1946, Australian NAtional University Press, canberra, 1977, p.165


Fiji ke Hindustani

Leader − Politician (1929-1971) − Politician (1972-1987) − Politician (1992-1998) − Politician (1999-2006) − Politician (2014- ) − Political Activist − Khel kuud − Government Service − Social Service − Education − Dharam − Businessman − Unionist − Writer

Totaram Sanadhya −  Manilal Doctor −  Vashist Muni −  Badri Maharaj −  Vishnu Deo −  Ami Chandra −  A. D. Patel −  Ayodhya Prasad −  Muhammed Twahir Khan −  Sadhu Kuppuswami −  Swami Rudrananda −  B. D. Lakshman −  M. N. Naidu −  S. M. Koya −  Vijay R. Singh −  Jai Ram Reddy −  Harish Sharma −  Mahendra Chaudhry −  M.S. Sahu Khan −  Aiyaz Sayed-Khaiyum