Sadhu Kuppuswami

Sadhu Kuppuswami (1890 - 2 August 1856) Fiji ke ek Hindustani rahaa jon ki Fiji ke South Indian samaj ke aapan bhasa aur sanskriti pe ghamand kare ke barrhawa diis aur jiske Fiji me Sangam ke suruu kare me khaas haanth rahaa. Uu India se girmit me Fiji aais rahaa aur girmit kaate ke baad sadhu ban gais aur Swami Vivekananda, Ramana Maha Rishi, Ramalinja Swamigal aur Rama Krishna Paramhamsa ke chela ban gais. 1920 me uu Vashist Muni ke prabhao ke niche aais. Uske samaj ke kaam khatir uske "Sewak Ratnam" ke padwi dewa gais rahaa lekin uske jaada kar ke Sadhu Swami ke naam se jaana jaawat rahaa.

Sadhu Kuppuswami
Sadhu Kuppuswami
Sadhu Kuppuswami
Janam1890
Konoor, Tamil Nadu, India
Maut2 August 1956
Nadi, Fiji
GharNadi, Fiji
CitizenshipFiji Citizen
JaatiHindustani
CitizenFiji Citizen
KaamSadhu, Kisan
Jaana jaawe haeSangam ke suruu kare waala
PadwiSadhu
DharamHindu
Mai/BaapPitaji: Govind Swamy Naidu
AwardsSewak Ratnam

Jawani ke din badlo

Kuppusami ke janam, Konoor gaon, Tamil Nadu, India me 1890 me bhais rahaa. Uske pitaji, Govind Swamy Naidu, Madras (Chennai) me ek police rahaa. Uske matra bhasa Telugu rahaa lekin uu Tamil bhasa me achchhaa se baat kar lewat rahaa. Uske pitaji ek kattar dharam me biswas kare waala rahaa, aur Kuppuswami ke dharam aur bhasa ke baare me chhote me achchhaa sikchhaa diis. 22 saal ke umar me uu Sutlej III me girmit ke niche Fiji aais jahaan pe uu 27 April 1912 ke pahuncha. Uu aapan girmit Yalandro, Tavua me kaatis. Uu firi hoe ke baad Rakiraki me Melbourne Trust Company me kaam karis.

Sangam suruu bhaes badlo

Rakiraki me uu ek puja ke jagha banais, jiske naam uu Sangam rakkhis rahaa. 1918 me barraa bemaari ke time bemaar log ke madat karis aur log ke aspataal lae jaawe me madat karis. 1921 me uu Vahist Muni ke Fiji me kaam dekhis jisme uu school banais aur logan ke aapan dharam aur sanskriti me ghamand kare ke batais. Kuppuswami chcota larrkan ke Tamil bhasa bhi parrhaes rahaa. 10 January 1926 me, Rakiraki me Swami Vivekananda ke birthday ke time ii decide karaa gais ki Fiji me ek Sangam banawa jaae. 24 May 192 me, Nadi me sab bagal ke South Indian ke ek meeting bhaes jisme Then India Sanmargya Ikya Sangam (TISI Sangam) ke banawa gais jisme uske President chuna gais. 1936 me uske fir se President chuna gais, aur ii position pe 2 August 1956 talak uske maut talak rahaa.

Baad ke zindagi badlo

Sadhu Swamy ek soft spoken admii rahaa. Uske koi larrkan nai rahaa. Uu Ghandhi ke rakam patraa rahaa aur ek singlet aur dhiti phinat rahaa. Uu ek haanth me ek chhata aur duusra haanth me Bhagwat Gita le ke chalat rahaa aur Nadi Ashram me rahat rahaa. 26 September 1952 me, jab Ramkrishna Mission ke Nadi ke suruu karaa gais tab Sadhu Sawmi ke uske President chuna gais.

Uske sewa khatir 1941 me TISI Sangam uske Sewak Ratnam me upadhi diis rahaa. 2 August 1956 me uske maut bhaes aur uske antim sanskar Sri Siva Subrahmanya Swami Temple, Nadi me karaa gais.

Aur dekho badlo

mekol badlo


Fiji ke Hindustani

Leader − Politician (1929-1971) − Politician (1972-1987) − Politician (1992-1998) − Politician (1999-2006) − Politician (2014- ) − Political Activist − Khel kuud − Government Service − Social Service − Education − Dharam − Businessman − Unionist − Writer

Totaram Sanadhya −  Manilal Doctor −  Vashist Muni −  Badri Maharaj −  Vishnu Deo −  Ami Chandra −  A. D. Patel −  Ayodhya Prasad −  Muhammed Twahir Khan −  Sadhu Kuppuswami −  Swami Rudrananda −  B. D. Lakshman −  M. N. Naidu −  S. M. Koya −  Vijay R. Singh −  Jai Ram Reddy −  Harish Sharma −  Mahendra Chaudhry −  M.S. Sahu Khan −  Aiyaz Sayed-Khaiyum