Sadhu Vashist Muni ek Hindu parcharak rahaa jon ki India se Fiji, May 1920 me, aais rahaa. Uu Fiji ke Hindustani log ke batais ki uu log ke chaahi ki aapan dharam aur sanskriti pe ghamand kare. Fiji me dher jagha uu school banais aur Hindi ke sikchha ke barrhawa diis. Uske Fiji me naam barrha jab 1921 me uu Fiji ke Western District me kisan aur majduur ke harrtaal ke leader banis. Uu Fiji me ek saal se bhi kamti time talak rahis lekin admii log aur sarkar uske baare be bahut kuch nai jaanat rahin. Bola jae hae ke uu dher jagha ek dafe pahuch jaat rahaa. March 1921 me sarkar uske deport kar this, ii bol ke ki uu Mahatma Gandhi ke jaasus rahaa. Uske deport kare ke baad, Suva ke Government House, bijli gire ke kaaran, jar gais aur janata log me uske chamatkaar kare ke taagat me biswas aur barrhaa. Fiji e kuchh log uske Visnu ke avatar maanat rahin.

Vashist Muni
Sadhu Vashist Muni
Sadhu Vashist Muni
Janam1888
Benaras, Uttar Pradesh, India
CitizenshipIndian
JaatiHindustani
CitizenIndian
Parrhainil
KaamPandit, Dharam Parcharak
Kaam ke saal1920 - 1921
PadwiSadhu
DharamHindu (Sanatani)

Background badlo

Vashist Muni ke janam Banaras, India me 1888 me bhaes rahaa aur uu ek sanatani rahaa jon ki Hindi aur English me achchha se baat karat rahaa. 23 March 1919 ke uu Calcutta chorris aur Australia se hoe ke Fiji 14 May 1920 ke pahuchis. Uske murr chilaan rahaa aur uu light orange ke kaprra pahinat rahaa aur ek pink chhata carry karat rahaa. Jab uu Fiji pahucha tab Fiji ke Hindustani log uske khusi se swagat karin aur kuch logan uske Vishnu ke autar sochin.

Activities in Fiji badlo

Educationist and Missionary badlo

Suruu me uu sikchha ke kaam karis jon jon jagha pe jaada Hindustani log rahat rahin aur Lautoka me ek school ke roll double kar dis rahaa. Uu Navua me ek school banais, jahaan par larrka log ke Hindi sikhawa jaat rahaa kaheki uu mangat rahaa ki Hindustani log aapan heritage par proud rahe. Uu nai mangat raha ki Hindustani log Christian school me parre. Uu duusra school ke book daan karis aur batais ki you dharmic admi hae. November 1920 me government uske non-political kaam ke baare me jaanis aur mangat rahaa usse baat kare lekin mauka nahi lagaa.

Jab ki uu Hindustani log ke prastithi ke baare me jaanat rahaa uu khule bolis ki uu kanuni mangat rahaa Hindustani log ke madat kare. Uu nahi mangat rahaa ki Hindustani log India laut jae jaise ke kuch aur Hindustani leader log mangat rahin. Fiji ke government ke suspician rahaa ki Vashist Muni Gandhi ke jasuus hae aur civil servants ke batawa gais ki uske uppar report kare.

1921 ke harrtaal badlo

Jab ki Viti Levu ke western district ke majduur log ke N. B. Mitter organise karis rahaa, lekin jon harrtall 11 February 1921 ke roj Ba me suruu bhaes uu apne se suruu hoe gais. Dhire dhire harrtaal sab western district me fael gais lekin ekdam peaceful rahaa.

Deportation badlo

20 March 1921 ke jab uu Tavua me ak meeting karat rahaa tab Lautoka balawa gae ii batae ke ki government usse baat kare mange hae. Uske jahaaj me Suva lae jawa gae aur 23 March 1921 me deport kar dewa gae. Jon roj uske deport karaa gae uu roj Suva ke Government House bijli gire ke kaaran jar gae aur jon jahaaj me uske Suva lae jawa gae uu reef pe charr gae.

Laut ke India gais badlo

Uske deport kare ke kaaran harrtaal khalaas nahi bhae lekin che mahina aur chalaa. Baad me Vashist Muni Calcutta ke depot me purana girmitya log ke Fiji jae se roke ke kosis karis. Uu Calcutta me bhuk harrtaal karis aur khule C.F. Andrews ke sarapis jiske uu arkathi bhi bolis. Uske safalta nahi mila kahe ki Andrews Indian government ke indenture systen band karwais.

References badlo

1. Sharma, Guru Dayal (1987), Memories of Fiji: 1887–1987, Guru Dayal Sharma, Suva, Fiji, pp. 48–49. 2. Gillion, K. L. (1977), The Fiji Indians: Chllenge to European dominance 1920-1946, Canberra, Australia: Australian National University Press, pp. 53–59. ISBN 0-70811-291-9.


Fiji ke Hindustani

Leader − Politician (1929-1971) − Politician (1972-1987) − Politician (1992-1998) − Politician (1999-2006) − Politician (2014- ) − Political Activist − Khel kuud − Government Service − Social Service − Education − Dharam − Businessman − Unionist − Writer

Totaram Sanadhya −  Manilal Doctor −  Vashist Muni −  Badri Maharaj −  Vishnu Deo −  Ami Chandra −  A. D. Patel −  Ayodhya Prasad −  Muhammed Twahir Khan −  Sadhu Kuppuswami −  Swami Rudrananda −  B. D. Lakshman −  M. N. Naidu −  S. M. Koya −  Vijay R. Singh −  Jai Ram Reddy −  Harish Sharma −  Mahendra Chaudhry −  M.S. Sahu Khan −  Aiyaz Sayed-Khaiyum