James Madhavan
James Madhavan (1915 - 1973), Fiji ke Legislative Council me dher din talak rahe waala member me se ek rahaa. Suruu me uu ek primary school teacher rahaa, lekin jab Maha Sangh ke ek branch Labasa me khola gais tab uu iske pahila member me se ek rahaa. Madhavan ke support ke kaaran Labasa me sab Hindustani (North aur South Indian) Maha Sangh ke member banin (jab ki Viti Levu me Maha Sangh ke lagbhag sab member South Indian rahin.) Madhavan ke kisan ke support se Legislative Council me chuna gais rahaa.
| James Madhavan | |
|---|---|
 James Madhavan | |
| Janam | 7 June 1915 Suva, Fiji |
| Maut | 21 December 1973 |
| Maut ke kaaran | Heat Attack |
| Citizenship | Fiji citizen |
| Jaati | Hindustani |
| Citizen | Fiji citizen |
| Parrhai | Teacher Training College |
| Kaam | master |
| Kaam ke saal | 1947 - 1973 |
| Home town | Labasa, Fiji |
| Jaana jaawe hae | Legislative Council ke menber: 1947 - 1972 (except for 18 months from 1959-early 1961 Executive Council ke member: 1953 - 1956, 1964-1966 |
| Padwi | Master |
| Party | National Federation |
| Dharam | Christian |
| Aurat/ Admii | Eunice |
| Larrkan | 6 |
| Mai/Baap | Pitaji - Vasu Dewan Madhavan |
Madhavan ke janam Suva, Fiji me bhais rahaa. Uu aapan Primary school ke parrhai Marist Brothers schoo, Suva aur Methodist Mission, Levuka me karis rahaa. Uu Intermediate ke parrhai Suva me 1931 me khalaas karis. 1934 me uu aapan Teacher training Davuilevu, Nausori me khalaas karis. aur 1935 se teacher banaa. 1937 se lae ke 1946 talak uu dher school ke headmaster rahaa. 1959 me jab you NW seat ke election haar gais tab uu fir se parrhae lagaa aur Ba Sangam High School ke Principal rahaa, jahaan se uu 1961 me resign karis jab uu for se Eastern Constituency se by-election me chuna gais.[1] Uu Legislative Council me pahila dafe 1947 me chuna gais. aur 18 mahina chhorr ke, 1973 talak, jab uske maut bhais rahaa, member rahaa. Uu A. D. Patel ke saathe, aur Vishnu Deo ke virod me kaam jaada kar ke rahaa, lekin jab A.D. Patel, 1950 me, aapan seat haar gais tab bhi uu Eastern Indian Division se jitate rahaa.[2] seat. 1953 me Madhavan ke Executive Council ke khatir Hindustani logan ke representative banawa gais.
Madhavan, Vanua Levu me Maha Sangh ke leader rahaa, aur jab Maha Sangh dui gut me split hoe gais tab uu ek nawaa union, Vanua Levu Farmers Union, ke register karis. [3]
1963 ke election, uu Citizens Federation ke banner ke niche, A. D. Patel aur S. M. Koya ke saathe larris. Tiino election jiit gais aur baad me jaae ke Federation Party ke 1964 me banain.
Uu Fiji Teachers Union ke ek active member rahaa aur 1950s se lae ke 1967 talak, uske President bhi rahaa. [4]
1964 se 1966 talak uske, A.D. Patel ke saathe, Executive Council ke member banawa gais.
References
badlo- ↑ South Pacific Commission, Delegation from Fiji, 1962, https://spccfpstore1.blob.core.windows.net/digitallibrary-docs/files/c1/c123ca951752cb10437232cfd02487d3.pdf?sv=2015-12-11&sr=b&sig=kG9yYWG1qoqYa5ncmvk36Fn7LAyNeH43uTVqGaMgIDo%3D&se=2018-07-13T07%3A27%3A07Z&sp=r&rscc=public%2C%20max-age%3D864000%2C%20max-stale%3D86400&rsct=application%2Fpdf&rscd=inline%3B%20filename%3D%2201735.pdf%22Template:Fix/category[dead link], retrieved 14/01/2018
- ↑ "Fiji Legislative Council Elections, Eastern Division, 1929 - 1959". Retrieved 2007-06-10.
- ↑ Industrial associations and local politics
- ↑ Mamak, Alexander (1978). Colour Culture & Conflict. Australia: Pergamon Press. pp. 82–83. ISBN 0080233538.