Muniswamy Mudaliar
Muniswamy Mudaliar (JP) ek Fiji ke Hindustani politician aur businessman rahaa. Uske aapan koi support nai rahaa, lekin 1932 me jab Vishnu Deo ke, Legislative Council ke election khatir, ek candidate ke jarurat parraa tab Mudaliar ke nominate kar dewa gais rahaa, ii samajh pe ki uu K. B. Singh ke ssathe common roll ke prastao rakkhi aur jab ii prastao gir jaai tab uu resign hoe jaai. Lekin uu resign nai bhais aur baad me common roll ke jagha nominated system ke support karis. Uu khali ek term talak Legislative Council me rahaa lekin uske wafaadari khatir, sarkar uske Justice of the Peace banae diis rahaa.
| Muniswamy Mudaliar | |
|---|---|
 Muniswamy Mudaliar | |
| Maut | 23 December 1942 War Memorial Hospital, Suva |
| Ghar | Ba, Fiji |
| Citizenship | Fiji Citizen |
| Jaati | Hindustani |
| Citizen | Fiji Citizen |
| Kaam | Businessman |
| Kaam ke saal | 1932 - 1937 |
| Home town | Ba, Fiji |
| Jaana jaawe hae | Fiji ke Legislative Council ke ek Hindustani member Fiji ke pahila J. P. |
| Dharam | Hindu |
Mudaliar ke janam India me bhais rahaa. Uu Ceylon me teacher rahaa aur Fiji 1916 me aais rahaa. Uu Fiji me Sanatan Dharam aur Sangam ke neta rahaa. 1933 me uu Fiji ke pahila Hindustani rahaa jon ki Justice of the Peace banaa. [1]
Uske maut Suva ke War Memorial Hospital me 23 December 1942 me Indian Labour Conference me hissa le ke baad bhais rahaa.[2]
References
badlo- ↑ Pacific Islands Monthly, Volume 5, No. 6, 24 January 1935
- ↑ Pacific Islands Monthly, Volume 13, No. 7, 17 February 1943
 | Ii Fiji ke hindustani log ke baare me article ek chhota panna hae. Aap iske lamba karke Wikipedia ke madat kare saktaa hae. |